Сьӧд книгаӧн вӧдитчӧм да тшыкӧдчӧм — сійӧ омӧльтор

Сатана кӧсйӧ, мед тэ вӧдитчин сьӧд книгаясӧн. Уна йӧз вайӧны жертваяс кулӧм рӧдвужлы либӧ ловъяслы, медым дорйыны асьнысӧ лёкысь. Найӧ вӧчӧны тайӧс сы вӧсна, мый полӧны ловъяслӧн вынъясысь. Найӧ новлӧны волшебнӧй чунькытшъяс либӧ браслетъяс. Найӧ юӧны либӧ ниртчӧны «зелляясӧн», кӧні, кыдз найӧ чайтӧны, эм волшебнӧй вын. Кодсюрӧ дзеблалӧны гортас ли, йӧрас ли сэтшӧмтор, коді, чайтӧны, доръяс найӧс. Мукӧдыс корсьӧны отсӧг волшебнӧй «зелляясысь», мед найӧ отсалісны удж вылын, школьнӧй экзаменъяс вылын либӧ верӧс-гӧтыр корсигӧн.

Сатанаысь медбур дорйысьӧм — лоны Иеговалы ёртон. Иегова Ен да сылӧн ангелъясыс ёна вынаджыкӧсь Сатанаысь да сылӧн пеж ловъясысь (Яковлӧн 2:19; Восьтӧм 12:9). Иегова дась петкӧдлыны ассьыс вынсӧ, мед отсавны аслас ёртъяслы — налы, коді став сьӧлӧмнас сы дор (2 Чужанним 16:9).

Ен Кывъяс висьтавсьӧ: «Энӧ тшыкӧдчӧй». Иеговалы оз кажитчы сьӧд книгаӧн вӧдитчӧм да тшыкӧдчӧм, сы вӧсна мый морт, коді сійӧс вӧчӧ, вермӧ лоны Сатана Дявӧллӧн служитысьӧн (Левит 19:26).