Енлӧн ёртъяс видзӧны асьнысӧ лёк вӧчӧмысь

Сатана йӧткӧ йӧзсӧ лёк вылӧ. Коді кӧсйӧ лоны Енлы ёртӧн, сылы колӧ мустӧмтны сійӧс, мый мустӧмтӧ Иегова (Псалом 96:10). Сідз, Енлӧн ёртъяс оз вӧчны татшӧмтор:

Лёк ног любитчӧмкӧд йитчӧм мыж. «Эн торк гозйӧдчӧмсӧ» (Петӧм 20:14). Узьлыны ӧта-мӧдыскӧд гӧтрасьтӧдз — тайӧ тшӧтш лёктор (1 Коринфӧ 6:18).

Ёна юӧм. «Ёна юысьяс... оз лоны Енлӧн царствоас» (1 Коринфӧ 6:10).

Виӧм, аборт. «Эн ви» (Петӧм 20:13).

Гусясьӧм. «Эн гусясь» (Петӧм 20:15).

Пӧръясьӧм. Иегова мустӧмтӧ «пӧръясьысь кыв» (Нӧдкывъяс 6:17).

Дзескӧдӧм да ӧвсьытӧм скӧралӧм. «Пежъясӧс да дзескӧдны любитысьясӧс [Иегова] мустӧмтӧ» (Псалом 10:5). «Вир-яйлы олӧмас [эм]... куттӧм скӧралӧм» (Галатӧ 5:19, 20).

Азартнӧй ворсӧм. «Ме гижи тіянлы, медым ті энӧ нин ӧтувтчӧй сыкӧд, коді... горш» (1 Коринфӧ 5:11).

Мукӧд нацияса йӧзӧс мустӧмтӧм. «Дугдывтӧг радейтӧй тіянлы лёк вӧчысьяссӧ да юрбитӧй тіянӧс дзескӧдысьяс вӧсна» (Матвейсянь 5:43, 44).

Мый миянлы висьталӧ Ен, сійӧ миянлы бур вылӧ. Абу пыр кокньыд видзчысьны омӧльтор вӧчӧмысь. Иегова да сылӧн Висьталысьяс отсӧгӧн тэ верман видзны асьтӧ сэтшӧмтор вӧчӧмысь, мый жугыльтӧ Енсӧ (Исайя 48:17; Филиппӧ 4:13; Еврейяслы 10:24, 25).