Енлӧн ёртъяс вӧчӧны буртор

Тэнад кӧ эм ёрт, кодӧс лыддян ёна бурӧн да пыдди пуктан, тэ зілян лоны сы кодьӧн. «Бур да веськыда олысь Господь»,— висьтавсьӧ Библияын (Псалом 25:8, «Танах», Д. Йосифон [24:8]). Медым лоны Енлы ёртӧн, миянлы колӧ лоны бур вӧчысьясӧн да веськыда олысьясӧн. Библияын шуӧма: «Вӧчӧй Енног кыдзи сылӧн муса челядь и олӧй радейтӧмӧн» (Ефесӧ 5:1, 2). Со кыдзи тэ тайӧс верман вӧчны:

Ло дась отсавны. «Пондам вӧчны бурсӧ быдӧнлы» (Галатӧ 6:10).

Зіля уджав. «Гусясьысь мед оз нин гусясь, а сы пыдди вӧчас аслас кинас буртор зіля уджалӧмӧн» (Ефесӧ 4:28).

Ло сӧстӧмӧн и пытшсяньыд, и вывсяньыд. «Вай весалам асланым вир-яйысь да лолысь быд пӧлӧс пежсӧ да Енмысь полӧмӧн бурмӧдам сӧстӧм олӧм» (2 Коринфӧ 7:1).

Радейт да пыдди пукты ассьыд семьятӧ. «Быдӧн мед сідзи радейтӧ гӧтырсӧ, кыдзи асьсӧ, а гӧтырыслы колӧ ёна пыдди пуктыны верӧссӧ. Челядь, кывзысьӧй асланыд бать-мамныдлысь» (Ефесӧ 5:33; 6:1).

Радейт мукӧдӧс. «Кутам радейтны ӧта-мӧднымӧс, сы вӧсна мый радейтӧмыс Енсянь» (1 Иоанлӧн 4:7).

Ов аслад странаса законъяс серти. «Быд лов мед кывзысяс [правительстволысь]... Сетӧй быдӧнлы мый колӧ: кодлы налог — налог» (Римсалы 13:1, 7).