Петкӧдлы, мый тэ радейтан енсӧ

Медым видзны ёртасьӧм, ёртыдкӧд колӧ сёрнитны. Тэ кывзан сійӧс, а сійӧ кывзӧ тэнӧ. Тэ сідзжӧ висьталан мукӧдыслы буртор аслад ёрт йывсьыд. Сідзжӧ и Енкӧд ёртасигӧн. Мӧвпышт, мый та йылысь висьтавсьӧ Библияын:

Дугдывтӧг сёрнит Иеговакӧд юрбитігад. «Дугдывтӧг юрбитӧй» (Римсалы 12:12).

Лыддьы Енлысь Кыв — Библия. «Став гижӧдыс ышӧдӧма Енмӧн и отсалӧ велӧдӧм вылӧ, ӧлӧдӧм вылӧ, веськӧдӧм вылӧ» (2 Тимофейлы 3:16).

Велӧд мукӧдсӧ Ен йылысь. «Мунӧй да лӧсьӧдӧй велӧдчысьясӧс став йӧз пытшкас... велӧдӧй вӧчны ставсӧ, мый ме тшӧкті тіянлы» (Матвейсянь 28:19, 20).

Бурджыка тӧдмась Енлӧн ёртъяскӧд. «Коді мывкыдаяскӧд ветлӧ, мывкыда лоӧ» (Нӧдкывъяс 13:20).

Волывлы Царство Залӧ аддзысьлӧмъяс вылӧ. «Кутам ӧта-мӧд йывсьыд тӧждысьны, мед ышӧдны радейтӧм да буртор вӧчӧм вылӧ... ӧта-мӧдтӧ смелмӧдӧмӧн» (Еврейяслы 10:24, 25).

Отсав Царстволӧн уджыслы. «Мед быдӧн вӧчас, кыдзи сійӧ лӧсьӧдіс аслас сьӧлӧмас, мед эз вӧч кӧсйытӧг либӧ мырдӧн моз, сы вӧсна мый Ен радейтӧ сійӧс, коді радпырысь сетӧ ассьыс козинсӧ» (2 Коринфӧ 9:7).