Masalamo
Kwi ntangi. Salamo wa Davida kalume wa Yehoba, waimbijile Yehoba uno lwimbo mu jonkaja juba Yehoba jo amupokolwele ku balwanyi banji bonse ne mu kuboko kwa kwa Saulo. Waambile’mba:+
18 Nemutemwa anweba Yehoba, yenu bulume bwami.+
2 Yehoba jo jibwe jami jikatampe, yo nsakwa yami yakosa kabiji ye umpokolola.+
Lesa wami jo jibwe jami,+ mo mo mfyama,
Jikebo jami kabiji ye lusengo* wami wa lupulukilo,* kyo kyami kya kufyamamo kyakosa.+
3 Namwita Yehoba, yenka wafwainwa kutotwa,
Kabiji ukampokolola ku balwanyi bami.+
6 Byo najinga mu bya malwa, namwichile Yehoba,
Namujijiilenga Lesa wami namba ankwashe.
7 Kabiji ntanda yatendekele kutenkena ne kujikima;+
Bitendekesho bya mitumba byajikimine
Kabiji byatenkenenga mambo bamuzhingijishe bingi.+
8 Bwishi bwafutumukilenga mu myona yanji,
Ne mujilo usokañana walupukilenga mu kanwa kanji;+
Ne makala anyekula afuminenga kwi aye.
10 Waendelenga pa kelubi ne kwiya saka atumbuka.+
Waikijile pa byapi bya mupashi.*+
12 Na mambo a kyeya kyanji
Mvula wa mabwe ne makala byafuminenga mu makumbi.
13 Kepo Yehoba aluluminenga mwiulu;+
Mwine Wakila walengejile jiwi janji kumvwanyika+
Na mvula wa mabwe ne na makala a mujilo.
14 Waashile miketo yanji ne kwibapalañanya;+
Watumine kubesha kwanji kwa mvula ne kwibavulañanya maana.+
15 Panshi ya tukola* pamwekele;+
Bitendekesho bya ntanda byasolokele byo mwibinenene anweba Yehoba,
Na muya washinta wafumine mu myona yenu.+
16 Watanyikile kuboko kufuma mwiulu;
Wankwachile ne kuntuntula mu mukola wazhika.+
18 Bandukukile mu juba ja bya malwa byami,+
Bino Yehoba wankwashishe.
21 Mambo ñenda mu mashinda a Yehoba,
Kabiji kechi namusha Lesa wami ne, mambo kuba bino ke kintu kyatama.
22 Mvuluka mizhilo yanji yonse;
Kechi nkalengulula malamuna anji ne.
25 Ku muntu wa kishinka mukekala ba kishinka;+
Ku muntu wabula kaneneno mukekala babula kaneneno;+
26 Ku muntu watoka mukekala batoka,+
Pakuba ku muntu wa bujimbijimbi mukekala bajimuka.+
28 Mambo anweba Yehoba, yenu mwambula lampi wami,
Lesa wami utokesha mfishi mo nji.+
29 Na bukwasho bwenu nakonsha kushinda nzhita ya balwanyi;+
Na bulume bwa Lesa nakonsha kukanjila ku lubumbulu.+
Aye ye jikebo ja bonse bafyama mwi aye.+
31 Nanchi kujipo Lesa mukwabo waesakana ne Yehoba nyi?+
Kabiji ñanyi jibwe wakila Lesa wetu?+
33 Ulengela maulu ami kupeela nobe a lupaala;
Undengela kwimana pa mapunzha a peulu.+
34 Ufunjisha maboko ami bya kulwa nkondo;
Maboko ami akonsha kuvwemuna buta bwa mukanda bwa mukuba.
35 Mwanzhikijila na jikebo jenu,+
Kuboko kwenu kwa kilujo kunkwasha,*
Kabiji kwipelula kwenu kundengela kutumbalala.+
37 Nkapupila balwanyi bami ne kwibataana;
Kechi nkabwelamo ne, posotu bakavile.
38 Nkebasansakanya kuba’mba bakabule kwimana;+
Nkebanyataula na maulu ami.
39 Mukampa bulume bwa kulwa nkondo;
Mukalengela balwanyi bami kuponena munshi ya maulu ami.+
41 Abo bakeba bukwasho, bino kafwako wa kwibapokololako ne;
Bajijila Yehoba, bino aye kechi wibakumbula ne.
42 Nkebatwa, bakekaletu nobe lukungu lululuka na mwela;
Nkebataya nobe mateshi a mu mikwakwa.
43 Mukampokolola ku milukuchi ya bantu.+
Mukantongola kwikala mukulumpe wa bisaka bya bantu.+
Bantu bo nabujile kuyuka bakañingijilanga.+
44 Bakankookela na mambo a sawakya ye bakomvwa;
Bantu bafuma mu byalo bingi bakeya kwi amiwa saka baji na bumvu.+
45 Bantu ba mu byalo bingi bakazumba;*
Bakeya saka bazakama kufuma mu masakwa abo akosa.
46 Yehoba mumi! Atotwe aye Jibwe jami!+
Lesa wa lupulukilo lwami atumbijikwe.+
47 Lesa wa kine anshinkenyeko;+
Ukookesha bantu munshi ya maulu ami.
48 Aye umpokolola ku balwanyi bami bakanama;
Munsuntwila peulu ya boba bandukuka;+
Mumpokolola ku kapondo.