Masalamo

105 Musanchilai Yehoba, itai pa jizhina janji,+

Buulai mitundu ya bantu bintu byo auba!+

 2 Mwimbilai, imbai nyimbo ya kumutota,

Langulukainga pa* mingilo yanji yonse ya kukumya.+

 5 Vulukai mingilo ya kukumya yo auba,

Bya kukumya byanji ne mizhilo yanji yo aamba,+

 6 Anweba baana* ba kwa Abalahama kalume wa Lesa,+

Anweba baana ba kwa Yakoba, bantu banji bo asala.+

 8 Vulukainga lulayañano lwanji myaka ne myaka,+

Mulaye ye alayile* bisemi kiumbi,+

 9 Lulayañano lo alayañene ne Abalahama,+

Ne luchipo lo achipile kwi Izaka,+

10 Lo aalwile ke mukambizho kwi Yakoba

Kabiji lulayañano lwa myaka kwi Isalela,

11 Ne kwamba’mba, “Nkakupa kyalo kya Kenana+

Kwikala ke buswanyi bobe.”+

12 Kino kyamwekele kimye kyo bajingatu bacheche,+

Ee kine, bajingatu bacheche, kabiji bajingatu benyi mu kyokya kyalo.+

13 Bapitañenenga kufuma ku kisaka kimo kuya ku kisaka kikwabo,

Kufuma ku bufumu bumo kuya ku mutundu wa bantu mukwabo.+

14 Kechi waswishishe muntu nangwa umo kwibamanyika ne,+

Bino na mambo a abo wakajipijile bamfumu,+

15 Ne kwamba’mba, “Kange mukwate pa bashingwa bami ne,

Kabiji bangauzhi bami kange mwibobe kintu kyatama ne.”+

16 Walengejile kipowe kya nzala kwiya mu kyalo;+

Walekeshe bintu bibaletelanga kajo.*

17 Watangizheko muntu kulutwe yabo

Yenka ye bapoteshe amba ekale muzha, aye Yosefwa.+

18 Bakashile* maulu anji na nshimbi;+

Nshingo yanji beibikile mu minyololo*

19 Posotu ne byambo byanji byo byafikile,+

Byambo bya Yehoba byo byamutubwile.

20 Mfumu watumine jiwi amba bamukasulule,+

Mfumu wa mitundu ya bantu wamukasulwile.

21 Wamupele bukulumpe bwa pa ba mu nzubo yanji,

Kalama wa bintu byanji byonse,+

22 Kuba’mba ekale na luusa pa babitumbafumu banji monka mo kyamutokejile ku muchima*

Ne kuba’mba afunjishenga bakulumpe banji maana.+

23 Kepo Isalela aishile mu Ijipita,+

Kabiji Yakoba waikele bwenyi mu kyalo kya kwa Hama.

24 Lesa walengejile bantu banji kuvula bingi;+

Wibalengejile kukosa kukila balwanyi babo,+

25 Wibalengejile kwikala na michima ya kushikwa bantu banji,

Ne kulanguluka kuba byatama bakalume banji.+

26 Watumine kalume wanji aye Mosesa,+

Ne Alona,+ yenka ye asajile.

27 Baubile biyukilo byanji mwi abo,

Ne bya kukumya byanji mu kyalo kya kwa Hama.+

28 Watumine mfishi, kabiji mu kyalo mwafiichiletu bwii;+

Mosesa ne Alona kechi balengulwile byambo byanji ne.

29 Waalwile mema abo kwikala mashi

Ne kwipaya masabi abo.+

30 Kyalo kyabo kyakumbenetu mabombwe,+

Ne mu bibamba bya mfumu monse.

31 Wakambizhe malunzhi asumana kwibalukuka

Ne mbwibwi yakumbene mu mapunzha abo onse.+

32 Waalwile mvula kwikala ke mvula wa mabwe

Ne kwibatumina kapenyi* mu kyalo kyabo.+

33 Waonawine miñanzañanza yabo ne bichi byabo bya mikuyu

Ne kuchimauna bichi byajinga mu mapunzha abo.

34 Waambile’mba nzhiye ibalukuke,

Nzhiye yana ya kukankalwa kubala.+

35 Yajiile bijimwa byonse bya mu kyalo,

Kabiji yajiile kajo konse kafuma mu mushiji.

36 Kepo aipayile babeji bonse ba mu kyalo kyabo,+

Bonka batanshi kusemwa.

37 Walupwile bantu banji saka basenda siliva ne ngolode;+

Kabiji mu mikoka yanji kechi mwajinga nangwa umo wituntwile ne.

38 Byo bafuminemo, bena Ijipita basangalele,

Mambo moyo wa kuchina bena Isalela* wibakwachile.+

40 Bamulombele, ne aye wibapele bitentu;+

Wibalengejile kwikuta kajo kafuminenga mwiulu.+

41 Wasabile mu jibwe ne mema apokomokele;+

Apichilenga mu kiselebwa nobe mukola.+

43 Onkao mambo, walupwile bantu banji saka basangalala,+

Banji basalwa saka bemba na lusekelo.

44 Wibapele byalo bya bisaka bya bantu;+

Batambwile bintu byaingijile mitundu ya bantu,+

45 Pa kuba’mba batwajijile kulama malamuna anji+

Ne kukookela mizhilo yanji.