Twimwita

Twaumvwa bingi bulongo kwisamba nenu kupichila mu uno buloshuwa. Twaketekela’mba mwafunda byavula pa mambo a Bakamonyi ba kwa Yehoba. Mwane tubena kwimwita’mba mukeye pa Nzubo ya Bufumu iji ko mwikala, mukemwene kupwila kwetu byo kubiwa ne byo twibikako kubulako bantu mambo awama a paladisa panopantanda mu Bufumu bwa Kilishitu.

Uno paladisa, Lesa ye wamulaya. Mambo “atweba, monka mwayila mulaye wanji, tutengela bya mwiulu bipya ne ntanda ipya, mo bwaikala bololoke.” (2 Petelo 3:13) Myaka yapitapo yavula. Kimye kyo tubena kutengela katatakatu kifike. Bintu bibena kumweka panopantanda byo bibena kumwesha kino.

Mutumwa Paulo waambile’mba: “Twilanguluke atwe bene na bene mu kwiubisha butemwe ne mingilo yawama; ne kuleka kupwila pamo, byo boba bamo, ne, poso kwifunda, ne kwibikishakotu byo mumona aja juba kasa jibenakufwenya pepi.” (Bahebelu 10:24, 25) Tubena kwimutundaika kumvwina byaamba Paulo kupichila mu kupwila pamo ne atweba.