LUFUNJISHO 6

Ñanyi Kintu kyo Tufunjilako ku Muyulo Mukatampe?

Lesa waonawine bantu batama, bino wapulwishe Nowa ne kisemi kyanji. Ntendekelo 7:11, 12, 23

Bwato uji peulu ya mema, babi bafwile, ne bamalaika bastukijile Lesa bashile mibiji yabo

Mvula wanokele pa moba 40 mute ne bufuku, ne mema ayujile pa ntanda ponse. Bantu batama bonse bafwile.

Bamalaika basatukile, bavujile mibiji yabo ya bumuntu ne kwikala ke bandemona.

Nowa, kisemi kyanji, ne banyama bafumine mu bwato kabiji ne kakongolo saka kamweka mwiulu

Aba bajinga mu bwato bapulukile. Nangwa kya kuba Nowa ne kisemi kyanji baishile kufwa panyuma, Lesa ukebasangula ne kwibapa bumi bwa myaka.

Lesa ukonauna jikwabo bantu batama ne kupulusha bantu bawama. Mateo 24:37-39

Satana ne bandemona banji bengijisha mashinda apusana pusana pa kujimbaika bantu

Satana ne bandemona batwajijila na kongola bantu.

Byonkatu byo kyajinga mu moba a Nowa, bantu bavula lelo jino babena kukana Yehoba kwibatangijila. Katatakatu Yehoba akonaune bantu babi bonse.—2 Petelo 2:5, 6.

Bakamonyi ba kwa Yehoba babena kwingijisha Baibolo pa kufunjisha mwanamulume; mwanamulume ubena kutanga Baibolo

Bantu bamo bajitu byonka byajinga Nowa. Bakokela Lesa ne kuba byo aamba; ke Bakamonyi ba kwa Yehoba.