LUFUNJISHO 13

Twafwainwa Kuba Byepi pa Kuba’mba Tutokeshe Lesa ku Muchima?

Chinuzhukainga kuba bintu byatama. 1 Kolinda 6:9, 10

Bintu byashikwa Lesa—kwiba, kupendwa, kwingijisha bizhima mu jishinda jabula kufwainwa, kulwa, kulomba ku tulubi, kufukamina tulubi

Umvwe kya kuba twamutemwa Yehova, kechi tukobanga bintu byo ashikwa ne.

Yehoba kechi ukeba atweba kwiba, kupendwapendwa nangwa kwingijisha bizhima ne.

Lesa washikwa kwipayañana, kufumya jimi ne kwilaala kwa banabalume nangwa banabakazhi bonka bonka. Kechi ukeba atweba kwikala na lunkumbwa nangwa kulwa na bakwetu ne.

Kechi twafwainwa kupopwelanga bankishi nangwa kupopwela mipashi ne.

Mu Paladisa ukekala pano pa ntanda, kechi mukekala bantu boba bintu byatama ne.

Ubainga bintu byawama. Mateo 7:12

Bintu bitokesha Lesa ku muchima—kutemwa bakwenu, kwikala bakishinka, ne kulekelako bakwenu mambo

Pa kuba’mba tutokeshenga Lesa ku muchima, twafwainwa kwibikishako kwikala na byubilo byo aji nabyo.

Mweshainga butemwe ku bakwenu kupichila mu kwikala na lusa ne bumpanyi.

Ikalai ba kishinka.

Ikalai na lusa ne kulekelako bakwenu mambo.

Bakamonyi ba kwa Yehoba Babiji Babena Kusapwila Mwanamulume

Bulaingako bakwenu pe Yehoba ne byubilo byanji.—Isaya 43:10.