MEPUZHO A MU BAIBOLO A KUMBULWA

Bañanyi bakaya mwiulu, kabiji mambo ka?

Bantu bavula bakebesha bingi kuya mwiulu inge bafwa. Yesu waambile’mba batumwa banji bakishinka bo bakaya na kwikala mwiulu. Saka akyangye kufwa ne, wibalayile kwibanengezhezha mpunzha mwiulu kwi Bashanji.—Tangai Yoano 14:2.

Mambo ka bantu ba pano pa ntanda o bakasangwilwa ne kwikala mwiulu? Bakobanga ka mwiulu? Yesu waambijile batumwa banji amba bakekala bamfumu. Bakalamanga ntanda.—Tangai Luka 22:28-30; Lumwekesho 5:10.

Nanchi bantu bonse boba byawama baya mwiulu nyi?

Mu byalo byavula, bakalama ke bantutu bacheche. Byo kiji kuba’mba Yesu usangula bantu kuya mwiulu pa kuba’mba bakalamenga ntanda, twaketekela amba bo basala ke bantu bachechetu. (Luka 12:32) Baibolo watongola ne kibelengelo kya bantu bakalama ne Yesu.—Tangai Lumwekesho 14:1.

Aba baya mwiulu, kechi bo bonka bakafwetwa ne. Bantu bakishinka bakalamanga Yesu pano pa ntanda, bakeyowa bumi bwa myaka ne myaka mu paladisa pano pa ntanda. (Yoano 3:16) Bamo bakatwela mu Paladisa panyuma ya konaunwa kwa ino ntanda ibi. Bakwabo bakatwelamo panyuma ya lusanguko.—Tangai Salamo 37:29; Yoano 5:28, 29.

Umvwe mukeba kuyukilapo byavula monai kitango 8 mu uno buku Nanchi Baibolo Kine Ufunjisha’mba ka?, wanembwa na Bakamonyi ba kwa Yehoba

Mwakonsha ne kukopolola pa www.jw.org

[Kipikichala pa peja 16]

Yesu wanengezhezhe baana banji ba bwanga bamo kuya na kwikala mwiulu. Nanchi mwayuka byo bakobanga mwiulu nyi?