Mutanchi Wa Kupwila Kwa Mwingilo

Mulungu wa kutendeka October 9

Lwimbo 11

Mamini. 8:Bya kubijika bya pa kipwilo. Bya kubijika byasalululwa mu Butumwa Bwetu bwa Bufumu.

Mamini. 12:“Teshai Muchima Ku Mingilo ya Kukumya ya kwa Lesa.” Ambaipo mawi atanshi acheche akubula kupitaila pa miniti umo, apa bino mutendeke mwisambo wa mepuzho ne mikumbu. Mweshai bipikichala bimo mu buku mupya bitulengela kunemeka bungauzhi bwa kwa Isaya.

Mamini. 25:“Nanchi Kiumbi kya ino Myaka ya Katataka—Kimusungila Ñanyi Bwikalo mu Kimye kya Kulutwe?” Jashi ja kukonkomwena jambiwe na utangijila mwingilo wa mu bujimi. Pa nyuma ya kutanga kubijika kuji mu nkalata ya Sosaiti ya July 3, 2000, yatuminwe ku mabumba a bakulumpe mu bipwilo, pai baji mu luonde kope imo imo ya talakiti ya Mbila ya Bufumu Na. 36. Kepo mutwajijile na mwisambo wa mepuzho ne mikumbu uji mu kino kibaba. Lumbululai mashinda o mwatanchika penu pa kuba’mba mukasapwile mu nyaunda yenu yonse. Isambai pa byo mwakonsha kukwasha bapya ne banyike pa kuba’mba bekale basapwishi babula kubatizwa. Mweshai ka kimwesho kepi. Konkomwenai kuba’mba yense akengileko uno mwingilo.

Lwimbo 53 ne lulombelo lwa kupezhako.

Mulungu wa Kutendeka October 16

Lwimbo 104

Mamini. 10: Bya kubijika bya pa kipwilo. Lipoti wa maakaunti. Vululaiko basapwishi kuba’mba ku mpelo ya milungu mwingilo wa kutambika magazini a Ulupungu lwa kwa Kalinda ne Loleni! ukengijiwanga pamo na kutambwisha talakiti ya Mbila ya Bufumu Na. 36.

Mamini. 15:Tunemeke Yehoba mu Bwikalo Bwetu—Lubaji 1. Jashi jambiwe na mukulumpe mu kipwilo. Bulai luonde kuba’mba bibaba bikwabo bibena kwamba pa jino jashi bikekalangako pa Kupwila kwa Mwingilo mu ba ñondo ba kulutwe.

Mamini. 20:Bonse Kuti Mwalangisha Umupashi wa Bupainiya. Mwisambo na utangijila jisambijilo ja buku ne nkwasho wanji, kufuma mu Ulupungu lwa kwa Kalinda wa October 15, 1997, mapeja 22, 23. Ambai pa ene mambo o kyawamina kwikala na bapainiya bavula mu kipwilo ne byo bakonsha kukwasha bakwabo pa kuba’mba nabo bekale bapainiya. Isambai pa mashinda o mwakonsha kutundaikilamo babena kwingila bupainiya kutwajijila ne bonse mu kipwilo byo bakonsha kunungulula kizaku mu butumwa.

Lwimbo 131 ne lulombelo lwa kupezhako.

Mulungu wa Kutendeka October 23

Lwimbo 150

Mamini. 10:Bya kubijika bya pa kipwilo.

Mamini. 15:Byo mwakajilwa pa kipwilo kyenu.

Mamini. 20:Nengezhai Bulongo byo Mukafunda pa Kupwila. Jashi ne kwisamba na luonde. Byo tumwenamo mu kupwila byashinkamana pa byo twibikako mu kunengezha bya kufundapo pa kupwila. Pitulukai mu byaambiwepo mu Ulupungu lwa kwa Kalinda lwa March 1, 1998, mapeja 15, 16, mapalagalafu 8-11. Lombai baji mu luonde kwamba pa byo boba ne kumona kimye kya kunengezha bulongo byo bakafunda pa kupwila.

Lwimbo 211 ne lulombelo lwa kupezhako.

Mulungu wa Kutendeka October 30

Lwimbo 167

Mamini. 10:Bya kubijika bya pa kipwilo. Vululaiko basapwishi kutuma malipoti a mwingilo wa mu bujimi a October.

Mamini. 17:Mankumanya atanwa mu Kutambwisha talakiti ya Mbila ya Bufumu Na. 36. Ipuzhai basapwishi bapusana-pusana kushimikizha byafumamo bya lutundaiko byo beyowa mu kutambwisha talakiti ya Mbila ya Bufumu Na. 36. Lombai bapainiya ba kimye kyonse ne bakukwasha kwamba byo bamwenamo mu mwingilo wabailako mu uno mukwekele ne jishuko jo bajinga najo ja kwingila na basapwishi bapusana-pusana.

Mamini. 18:Ukuishininkisha nga Batumikishi ba kwa Lesa. Bankwasho ba mu kipwilo babiji besambe pa lujimuno lwa mu binembelo luji mu Ulupungu lwa kwa Kalinda lwa December 15, 1998, mapeja 19, 20. Banemeka ñiñijilo yawama byo baji bankwasho ba mu kipwilo kabiji bapituluka mu byo bakonsha kuba pa kyabo kyabo pa kuba’mba bamweshe kuba’mba babena kwingila bulongo mingilo yabo. Bambe pa buneme bwa kwikala kya kumwenako kyawama mu butumwa ne kwisamba pa mashinda o bakonsha kukwashishamo bakulumpe mu kipwilo pa kukwasha bakwabo. Baitabanzhana kuba’mba bakeba kwingila na ngovu yonse mu kukwasha kipwilo kuyuka kino kimye kyo tujimo, kukoma ne kununguluka lwa ku mupashi.

Lwimbo 15 ne lulombelo lwa kupezhako.

Mulungu wa Kutendeka November 6

Lwimbo 198

Mamini. 10:Bya kubijika bya pa kipwilo. Pitulukai mu bibena kwenda mwingilo wa kutambwisha talakiti ya Mbila ya Bufumu Na. 36. Tongolai po mwapelela kwingila mu nyaunda yenu kabiji tongolai ne kibena kukebewa pa kuba’mba mupwishe kwingijila mu nyaunda yonse juba ja November 17 saka jikyangye kufika.

Mamini. 20:Nanchi Kika kyo Twaitabilamo? Mulongo wabwela ku muntu wamwipwizhe kuba’mba, “Ñanchi bika Bakamonyi ba kwa Yehoba byo bafunjisha bibapusanyako ku ba mu bupopweshi bukwabo?” Isambai pa bishinka biji mu kabokoshi kaji pa peja 6, mu Ulupungu lwa kwa Kalinda wa October 1, 1998. Lumbululai bupopweshi bukwabo byo bukana bukine bwa Baibolo ne kukokela mafunjisho a bantu.

Mamini. 10:Kwimba ke Lubaji Lwanema mu Mpopwelo Yetu. Utangijila jisambijilo ja buku esambe na basapwishi babiji pa mambo a byo bemba nyimbo pa kupwila kwa kipwilo. Wamona kuba’mba nyimbilo yabo yakonyangala. Esambe nabo bishinka bimo biji mu Ulupungu lwa kwa Kalinda lwa February 1, 1997, mapeja 27, 28. Bapituluke mu byambo bya lwimbo umo ukembiwa yeo mulungu pa kufunda jisambijilo ja Ulupungu lwa kwa Kalinda, kwesakana na byo kyaambiwapo mu Ulupungu lwa kwa Kalinda wa July 1, 1999, peja 20, palagalafu 12. Kupichila mu kwimba nyimbo na kizaku tutakaika Yehoba na muchima wetu yense.

Lwimbo 223 ne lulombelo lwa kupezhako