Bya Kubijika

◼ Mabuku a kutambika mu February: Buku wa Life—How Did It Get Here? By Evolution or by Creation?, Ukusokolola—Akalume ka Kuko Kakalamba Nakapalama!, nangwa mabuku akala aji onse a mapeja 192 aji pa kipwilo. March: Buku wa Kuyuka Kutangijila ku Bumi Bwa Myaka. Twafwainwa kwingila na ngovu pa kuba’mba tutatule mafunjisho a Baibolo a pa nzubo. April ne May: Kyamba kya Usopa ne Loleni! Pa kubwelako ku bantu baji na lusekelo lwa kukeba kufunda bukine, tambikai buku wa Kuyuka nangwa buloshuwa wa Nanchi Lesa Ukebaka ne kutatula mafunjisho a Baibolo a pa nzubo.

◼ Jashi ja mvula-bantu jiikajila ja kusembelela Kivuluko kya mu 2001 jikambiwa pa Mulungu, April 1. Jiji na mutwe wa kuba’mba “Ñanyi Wakonsha Kupuluka?” Autulaini ikatumwa. Bipwilo bikekala na paina wingijila kijiiji, kupwila kwa kijiiji, nangwa kupwila kwiikajila mu yeo mulungu, bikekala na jino jashi jiikajila mu mulungu wa April 9. Kafwako kipwilo kikela na jashi jiikajila palutwe ya April 1, 2001.

◼ Mwane yukai’mba Kivuluko kya mu mwaka wa 2002 kikekalako pa Kibiji, March 28, pa kuzhika juba, kechi pa Kitanu, March 22 jamweshiwa pa Kalenda ya mu 2001 ne. Kino kyabijikilwa jimo pa kuba’mba balongo batatule kunengezhezha jimo ne kwisambila jimo na baji na bishimikwa bikatampe umvwe kya kuba’mba bipwilo byavula bingijisha Nzubo ya Bufumu imo, kabiji ne kwibakwashako kumwena jimo bipe bikwabo. Bakulumpe mu kipwilo bafwainwa kwitabanzhenya jimo na bene bena kishimikwa kyo bakapwilamo ne kumona kuba’mba pa kyo kyo kimye mu kishimikwa kechi mukekalapo byakubauba bikwabo byakonsha kuvulañanya ne, pa kuba’mba Kivuluko kikavulukwe mu mutende kabiji pabula kiwowo. Na mambo a buneme bwakyo, pa kusala ñambi ukamba jashi ja Kivuluko, jibumba ja bakulumpe mu kipwilo jafwainwa kusala mukulumpe wafikapo kya kine kine kechi kutongolatu uji yense nangwa kwingijishatu mulongo umo pa mwaka pa mwaka ne. Kanatu inge kya kuba’mba paji mukulumpe mu kipwilo wa mubashingwa wafikapo, ye yenka wakonsha kwamba jashi pa mwaka pa mwaka

◼ Utangijila mu kipwilo nangwa mukwabo umo ye atongola wafwainwa kubala maakaunti a kipwilo pa March 1 nangwa bukiji-bukiji pa nyuma ya jino juba. Umvwe mwapwisha kubala, bijikai ku kipwilo pa kubijika sawakya wa maakaunti.

◼ Kanemba ne utangijila mwingilo wa mu bujimi bafwainwa kupituluka mu mingilo ya bapainiya ba kimye kyonse. Umvwe paji bamo babena kukankalwa kufika pa maawala akebewa, bakulumpe mu kipwilo bafwainwa kwibakwasha. Pa kupana bukwasho, pitulukai mu nkalata ya Sosaiti ya pa mwaka pa mwaka ya S-201. Kabiji monai kya mukachi kya Mwingilo Wetu wa Bufumu wa October 1986 wa Kibemba mapalagalafu 12 kufika ku 20.

◼ Kanemba wafwainwa kubulanga ba mu Kometi ya Bantungi ba Mpunzha pa mambo a bwikalo bwa basapwishi babatizwa batuma mafomu a Kingdom Hall Volunteer Worker Questionnaire (S-82). Umvwe bwikalo bwa muntu bwaaluka, nabiji kuviluka nangwa watongolwa kwikala nkwasho nangwa kwikala mukulumpe mu kipwilo, mafomu angi afwainwa kunembwa ne kutumwa bukiji-bukiji. Umvwe keyala nangwa nambala ya foni ya wa mwingilo wa kwitemenwa yapimpulwa nangwa pa kino kimye waleka kumwesha byubilo byawama mu kipwilo, bakulumpe mu kipwilo bafwainwa kunembela nkalata Kometi ya Bantungi ba Mpunzha bukiji-bukiji.

◼ Kipamo kya National Registration Regulations kyakambizha kuba’mba bena Zambia bonse baji na myaka ya kusemwa 16 nangwa kukilapo batwajijila kwikala mu mpunzha imo bafwainwa kuya na kukopwa leji ku Ofweshi ya National Registration iji kwipi na kobekala. Uno mukambizho wingila ne ku bapimpula mazhina abo. Bonse bakambizhiwa kukopwa maleji bafwainwa kupelawizhako, ne kwikimona kuba’mba mukambizho wa bwina Kilishitu wa kumvwina bandamabyalo. Bakulumpe mu kipwilo ne bansemi bafwainwa kulabijila uno mukambizho ne kuvululako balongo ne banyenga bakyanyike babena kufika ku myaka ya kusemwa 16.

◼ Kimye kyo mubena kwingila mu nyaunda ibula kwingijilwamo javula, basapwishi bakonsha kusha buku wa Kuyuka nangwa buloshuwa wa Nanchi Lesa Ukebaka. Mwakonsha kusha buku uji yense ku mwina nzubo umvwe uji na ano mabuku o twatongola. Bonse bafwainwa kusenda matalakiti apusana-pusana akushila babula kutanwa pa mazubo nangwa bakana kutambula mabuku. Twafwainwa kutesha muchima kubwela ku bantu baji na lusekelo lwa kufunda bukine, kikatakata bapainiya beikajila nangwa bipwilo biji kwipi na yo yo nyaunda.

◼ Mabuku Ajipo:

Baibolo—mu Kiluchazi ne Kilubale

Angweniko ku Kusesema kwa kwa Daniele!—mu Kibemba

Ifipusho Abacaice Bepusha—Ifyasuko Fibomba—mu Kibemba ne Kizungu

◼ Matepu Apya Ajipo:

Kingdom Melodies, Volyumu 9