Mutanchi Wakupwila Kwamwingilo
Mulungu Wakutendeka February 11
Mamini. 13: Byakubijika byapakipwilo. Byakubijika byasalululwa mu Mwingilo Wetu wa Bufumu. Pitulukai mu Kabokoshi Kamepuzho, mwambe bino bishinka bimulamata koko kwenu.
Mamini. 20: ‘Sapwilai Mambo a Lesa.’a (Mapalagalafu 1-13) Jambiwe namukulumpe utangijila mukipwilo. Mwisambo wakaba wabyotubena kukeba kukengila mu March nemubañondo bakulutwe. Bonse pamuntu pamuntu twafwainwa kwingijisha Kalenda iji mukyamukachi pakuba’mba tutanchike mutanchi wetu bulongo wakukengilako mwingilo papelela ngovu yetu mu March. Koseshai bonse bakeba kukengilako bupainiya bwakukwasha muyewa ñondo. Pakwisamba mapalagalafu 7-8, ipuzhai boba baingijileko bupainiya bashimikizhe pamambo amfweto yobataine pakwingila mukimye kya Kivuluko kyajingako. Bijikai kuba’mba mapepala akwipwizhapo mwingilo wabupainiya bwakukwasha poaji, aba babena kwiakeba beye batambule panyuma yakuno kupwila.
Mamini. 12: “Byakwamba Pakutambika Magazini.” Ipuzhai basapwishi ino ñambilo yamu Mwingilo Wetu wa Bufumu byoibakwasha kulumbulula mitwe yamba pabinkunka bibena kubiwa muano moba akatazha. Bamo baubilepo byepi pakuba’mba batekeneshe bantu nekwibakwasha kutana mikumbu yamu Baibolo yamepuzho amo ashupa? Mubimwesho bibiji, mweshai byakutambika Kyamba kya Usopa kya March 1 ne Awake! ya February 22.
Lwimbo 49 nelulombelo lwakupezhako.
Mulungu Wakutendeka February 18
Lwimbo 95
Mamini. 8: Byakubijika byapakipwilo. Sawakya wamaakaunti.
Mamini. 12: “Bantu Balusekelo Panopantanda.”b Ambaipo nebyambo bicheche biji pakamutwe kaamba’mba “Umo Mwingasangila Insansa” mu Kyamba kya Usopa kya Kibemba October 15, 1997, peja 6.
Mamini. 25: “Sapwilai Mambo a Lesa.”c (Mapalagalafu 14-23) Jambiwe namukulumpe utangijila mwingilo wamubujimi. Bulañanai byomwanengezha kwingila mwingilo wamubujimi mu March. Ambai mutanchi yense wakupwila kwakwinengezha kuya mumwingilo wamubujimi byoaji muyewa ñondo. Koselai pakukwasha bakoka nekukwasha bakyanyike nebomufunjisha mafunjisho a Baibolo kwikala basapwishi babula kubatizwa. Bijikai mazhina abonse banembesha kwingilako mwingilo wabupainiya bwakukwasha mu March, kabiji koseshai nebakwabo kulangulukishapo nalulombelo kuba’mba nabo bakengileko.
Lwimbo 143 nelulombelo lwakupezhako.
Mulungu Wakutendeka February 25
Lwimbo 174
Mamini. 15: Byakubijika byapakipwilo. Mweshai bimwesho bibiji byanengezhiwa bulongo byakutambika magazini—kimo kimweshe byakutambika Kyamba kya Usopa, kya March 1, kikwabo nakyo kimweshe byakutambika Awake! ya March 8. Mwanyike umo amweshepo kimo. Vululaiko basapwishi kuleta masawakya amwingilo wamubujimi wa February.
Mamini. 15: “Byomwafwainwa Kumonapo Kimye.” Mwisambo wamepuzho nemikumbu. Ambaipo nebyambo bicheche biji mu Kyamba kya Usopa kya Kibemba, December 1, 1989, mapeja 16-17, mapalagalafu 7-11.
Mamini. 15: “Bapaine Byabo Byawamisha.” Isambai pakano kabokoshi naluonde. Pitulukai mumbaji isatu yapelako mwalumbulwila ofweshi yamusampi. Isambai naluonde umvwe bupe bubena kupana kipwilo kumwingilo wa Ntanda Yonse kechi bwawamishatune nangwa bwawamisha. Bipwilo biji na loni ya Nzubo ya Bufumu byambepo pamali obabena kubwezhako kuloni yabo.
Lwimbo 12 nelulombelo lwakupezhako.
Mulungu Wakutendeka March 4
Lwimbo 207
Mamini. 5: Byakubijika byapakipwilo.
Mamini. 12: Lukatazho lomuji nalo pakipwilo kyenu.
Mamini. 12: Ingijishai buku wa Kuyuka kutatwilamo mafunjisho a Baibolo. Mu March twayai tukengile nangovu kutatula mafunjisho a Baibolo apanzubo. Ambaipo nebyambo bicheche biji mu Mwingilo Wetu wa Bufumu wa Kibemba wa May 1999, peja 4, palagalafu 8. Umvwe kuji umo watatwile lufunjisho mubuku wa Kuyuka, mulombai amweshe kimwesho byoaubile. Vululaiko bonse kwingijisha mashinda aji mu “Byakwamba Pakutambika Buku wa Kuyuka,” mukyamukachi kya Mwingilo Wetu wa Bufumu wa January 2002. Kwingijisha ino buku, mweshaipo kimwesho kimo pabimwesho biji papeja 6 mukyamukachi pamutwe wakuba’mba “Ñambilo Yakubula Kuzhobakana.”
Mamini. 16: “Nga Mamboka Akuba Satusapwilatu?”d Pezhaiko mwisambo namusapwishi umo nangwa babiji baingila mwingilo wabusapwishi pamyaka yavula. Balombai bashimikizhe byobeumvwa kyalenga’mba batwajijile muuno mwingilo kabiji nemfweto yobatanamo.
Lwimbo 223 nelulombelo lwakupezhako.
[Tubyambo twa mushi]
a Ambaipo mawi atanshi acheche akubula kupitaila paminiti umo, apa bino mutendeke mwisambo wamepuzho nemikumbu.
b Ambaipo mawi atanshi acheche akubula kupitaila paminiti umo, apa bino mutendeke mwisambo wamepuzho nemikumbu.
c Ambaipo mawi atanshi acheche akubula kupitaila paminiti umo, apa bino mutendeke mwisambo wamepuzho nemikumbu.
d Ambaipo mawi atanshi acheche akubula kupitaila paminiti umo, apa bino mutendeke mwisambo wamepuzho nemikumbu.