Mutanchi Wakupwila Kwamwingilo

Mulungu Wakutendeka March 11

Lwimbo 2

Mamini. 13: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha ñambilo iji papeja 8, mweshai bimwesho bibiji, kimo kimweshe byakutambika magazini a Kyamba kya Usopa kya April 1 kikwabo kimweshe byakutambika Loleni! wa January-March. Mubino bimwesho bibiji, mweshai mumashinda apusana-pusana mwakukumbwila bantu bakana kwisamba bamba’mba, “kechi nkebane”.—Monai buku wa Ukupelulula, peja 16.

Mamini. 12: Kusungijila Bwina Kilishitu Bwetu Pakubula Kwivwanga Mubyabumulwila Ntanda. Jashi namukulumpe mukipwilo wafwainwa kwijamba bulongo. Bumulwila ntanda bubakumbane bingi mumasukulu, mumapunzha ankito, nemubimasamasa. Bavula batemwa kwamba pakino bebyambila mukuba’mba joshinda jakupwishishamo bijikila nebulanda bwikala nabantu mambo abyamalwa bibena kubiwa mukyalo. Nangwa kyakuba neatweba tumvwa bibi namambo abintu byotumona muino ntanda, twayuka ene mambo akatampe ajipo, a bumfumu bwabilengwa byonse kabiji tutekeneshiwa namambo awama a Bufumu. Kimye kyotubena kulumbulwila bantu mujishinda jawama ene mambo otubujila kwivwanga mubyubilo byabumulwila ntanda, twafwainwa nekwibabulako lutekenesho neluketekelo lotuji nalo lutanyiwa mu Byambo bya Lesa. Mu buloshuwa wa Inte sha kwa Yehoba na Masomo, mapeja 20-4, pamutwe wakuba’mba “Ukupika Sulupu ku Mendela,” walondolola ene mambo otubujila kwivwanga mukusekelela byabumulwila ntanda. Isambai pabishinka bikatampe, nekutundaika bansemi kupitulukamo mubino byambo nabaana babo. Shimikizhai byakumwenako biji mu buloshuwa papeja 20 nemu Loleni! wa January 8, 1996 peja 31. Konkomwenai ene mambo otwafwainwa kupopwelatu Yehoba kwapwa, bino aku satunemeka bantangi bamukafulumende.

Mamini. 20: “Ikalai Banonshi Bamumingilo Yawama.”a Jambiwe namukulumpe utangijila mwingilo wamubujimi. Tundaikai bonse kwingila nangovu mumwingilo kwita bantu kuba’mba bakatanwe ku Kivuluko kikekalako pa March 28. Ipuzhai basapwishi bashimikizhe byobaubile pakwitako balongo babo, bakwabo mobekela, bobafunjisha Baibolo, nebakwabotu bantu bamwesheshe lusekelo lwakufunda bukine kwiya nakutanwa ku Kivuluko kya mwaka wapwa kabiji nebuwame bwafuminemo. Tundaikai bonse bakakonsha kukengilako bupainiya bwakukwasha mu April kabiji batambule nemapepala akunembapo panyuma yakupwila.

Lwimbo 82 nelulombelo lwakupezhako.

Mulungu Wakutendeka March 18

Lwimbo 7

Mamini. 10: Byakubijika byapakipwilo. Sawakya wamaakaunti. Isambai pa “Byakuvululako Byapa Kivuluko.” Tundaikai bonse kulondela mutanchi wakutanga Baibolo kimye kya Kivuluko March 23-28, byonka byoatanchikwa mu Ukubebeta Amalembo Cila Bushiku—2002.

Mamini. 15: “Bakwatankana Pamo na Yehoba ne Mwananji Mulusekelo.” Jashi jamu Binembelo jakukosesha jambiwe namukulumpe mukipwilo. Tundaikai bonse kwingila nangovu kutatula kino kimye kufika pa March 28 kwita bantu bavula kwiya nakutanwa ku Kivuluko pamo neatweba.

Mamini. 20: “Baishai Lusekelo Lwenu Mumwingilo Wakusapwila.”b Pakwisamba palagalafu 5, ipuzhai luonde bambepo mashinda amo akonsha kwingila bulongo munyaunda yenu yomujimo. Mweshai kimwesho kimo nangwa bibiji kyabyotwakonsha kuba pakusolomoka muntu nekumusapwila byambo bicheche. Tundaikai bonse kumonapo kimye kyakusapwila uno mulungu.

Lwimbo 45 nelulombelo lwakupezhako.

Mulungu Wakutendeka March 25

Lwimbo 12

Mamini. 14: Byakubijika byapakipwilo. Lumbululai kuba’mba kimye kechi kyapwane kyakunembesheshamo bupainiya bwakukwasha mu April. Kwingijisha mashinda aji papeja 8, mukulumpe mukipwilo amweshe byakutambika Kyamba kya Usopa kya April 1 newakyanyike naye amweshe byakutambika Loleni! wa January-March. Panyuma yakimwesho kimo kimo, ambaipo bishinka bikatampe bimo byomwajikumonanga mukimwesho abyo byakonsha kwimukwasha.

Mamini. 15: Lukatazho lomuji nalo pakipwilo.

Mamini. 16 : Ingijishai buku wa Ukupelulula kutundaikilamo bantu. Kwisamba naluonde. Pakimye nekimye bonsetu tukeba kutundaikwa. Onkao mambo, twafwainwa ‘kukosesha’ bakwetu, kuvwangakotu neboba bapopomenwa botutana mumwingilo. (1 Tesa. 5:14) Kwingijisha buku wa Ukupelulula, ipuzhai luonde kwambapo lutundaiko lumo lwamu Binembelo lobakonsha kukwasha bantu batanwa muano makatazho anembwa pamapeja 325-7. Babulai kuba’mba bonse pamuntu pamuntu twafwainwa kweseka kukwasha uji yense watanwa mulukatazho inge kyakonsheka.—Nga. 6:10.

Lwimbo 131 nelulombelo lwakupezhako.

Mulungu Wakutendeka April 1

Lwimbo 27

Mamini. 7: Byakubijika byapakipwilo. Vululaiko basapwishi kuleta masawakya amwingilo wamubujimi wa March.

Mamini. 18: “‘Byabupetu ku Bantu’ Bingila Nangovu Kuketa Jitanga ja Lesa.” Jashi jambiwe namukulumpe mukipwilo. Isambaipo pabinembelo byamweshiwa. Mweshaipo byakumwenako buwame bwakonsha kubiwa kabiji bwakonsha kufumamo mukuketa bakoka nemukukwasha babela-bela kubako byobakonsha kuba. Bakafunga babutemwe basanchila bingi kwibikako kwabantu bauno muntundu kutwajijila babambakana mumwingilo wa Yehoba.

Mamini. 20: Buku wa Yearbook Wimunonkesha byepi? Jashi nekwisamba naluonde. Patanshi, ambaipo bishinka bikatampe biji mu “Nkalata Kufuma ku Jibumba Jitangijila.” Panyuma yabyobyo, ipuzhai luonde kushimikizha masawakya nebyakumwenako biji mu Yearbook byobatana kuba’mba byakonsha kwibakwasha nekwibakosesha mulwitabilo. Tundaikai bonse kupwisha kutanga Yearbook nekumwingijisha kulondolwela bomufunjisha Baibolo byakwipwiluluka najibumba ja Yehoba.

Lwimbo 15 nelulombelo lwakupezhako.

[Tubyambo twa mushi]