Kabokoshi Kamepuzho

◼ Mamboka otwafwainwa kwikela bajimuka mubusapwishi bwamu makalata?

Busapwishi bwamu makalata kejishinda jimo jingila bingi bulongo kusapwilamo mambo awama. Nangwa byonkabyo, binkunka bibamwekanenga muntanda pakachipe, byalengela bantu kwikala basusubala namambo akushinkula makalata abula kuyukanyikwa koafuma. Maenivulupu abula kuyukanyikwa koafuma nangwa abula keyala yamuntu watuma, aleta bingi luzhinauko, kikatakata umvwe anembwatu nakuboko kabiji saamwekana amba muji bipepala byavula mukachi. Bena mazubo bakonsha kutaya makalata auno mutundu kwakubula nekwiashinkula. Twakonsha kuba byepi pakuba’mba kino kibulenga kubiwa kumakalata etu?

Umvwe kyakonsheka, mwafwainwa kutaipa byonse bibiji nkalata neenivulupu. Paenivulupu mwafwainwa kunembapo jizhina jamwinanzubo. Kechi mwafwainwa kunembapotu’mba “Kubekalamo” ne. Kabiji, kimye kyonse monai’mba mwanembapo nekeyala yenu yakwimubwezhezhamo. Umvwe kechi kyakonsheka kunembapo keyala yakyenu kyenune, nembaipo jizhina jenu nekeyala ya Nzubo ya Bufumu. Kutumanga makalata akabula kuyukanyikwane. Kechi mwafwainwa kwingijisha keyala yaofweshi yamusampine.—Monai Mwingilo Wetu wa Bufumu, wa Kibemba November 1996 mu Kabokoshi Kamepuzho.

Mikambizho ikwabo yaamba momwakonsha kubila, nenkalata yanembwa yomwakonsha kumwenako biji mubuku wa Nonkelenimo mu Masambililo ye Sukulu lya Butumikishi Ilya Bulesa, mapeja 71-3. Ino mikambizho isakuketukwasha kwingijisha makalata bulongo kubakwetu mukwibatumina mambo awama.