Byo Mwafwainwa Kunemba Nkalata

• Ingijishai keyala wenu. Inge mwamona kuba’mba kechi kyayilamo kwingijisha keyala wenu ne, mwakonsha kwingijisha keyala ya Nzubo ya Bufumu inge bakulumpe mu kipwilo bemuswisha kuba bino. Pano bino, KECHI MWAFWAINWA kwingijisha keyala ya ofweshi wa musampi ne.

• Ingijishai jizhina ja yewo muntu inge mwamuyuka. Kino kilengela yewo muntu kuyuka kuba’mba kechi mubena kutentemesha bya busulu ne.

• Monai kuba’mba kechi mwatupila byambo pa kwibinemba ne, kabiji mwaingijisha mulakazhilo ne mwakutulumena mwafwainwa. Nkalata yenu mwafwainwa kwiinemba bulongo kabiji yafwainwa kwikala ya butooto. Inge kechi mwataipa ya kutaipa ne, nembai byambo bibena kumweka bulongo. Nembelo yenu yafwainwa kwikala yabula kukizhamo mushingi nangwa kupwiluluka yewo muntu.

Ino nkalata mo muji bino bishinka byo mwafwainwa kulondela pa kunemba nkalata. Kechi mwafwainwa kukopololangatu bino byambo kimye kyonse kyo mubena kunembela nkalata muntu wa mu nyaunda yenu ne. Nembai nkalata kwesakana na kyo mwakebela kwiinemba, biji bintu ne bisho biji koko kwenu.