Kabokoshi Ka Mepuzho

◼ Nanchi kijitu bulongo kunemba pa mabuku o tushila bantu keyala yetu ya pa Intaneti nyi?

Basapwishi bamo banemba keyala yabo ya pa Intaneti pa magazini nangwa pa matalakiti o bashila bantu. Apa bino aba batambula mabuku etu banembela bobo basapwishi kuba’mba bebabuleko ne byambo bikwabo. Kukeba kukwasha bantu bamwesha lusekelo mu jino jishinda ke kintu kyawama bingi. Nangwa byonkabyo, keyala yetu ya pa Intaneti yaikela jimo kunyuma ya magazini ne matalakiti. Onkao mambo, kyakonsha kuwama kubula kunembanga makeyala etu atwe bene a pa Intaneti pa mabuku o tushila bantu.

Pa mambo a kushila bantu ba mu nyaunda yanji keyala nangwa nambala ya foni kikatakata na mambo a kukeba kukabwelako, kiji ku musapwishi mwine kumona byo afwainwa kuba. Yetu twafwainwa kubwelako ku bonse bamwesheshe lusekelo mu kifulo kya kwibalekatu amba abo baketunembele nangwa kwitutumina foni kuba’mba bayukileko byavula. Twakonsha kumwesha lusekelo lwa kine ku bantu umvwe ke twisambe nabo kanwa na kanwa.