Mutanchi Wakupwila Kwamwingilo
Mulungu Wakutendeka October 14
Lwimbo 103
Mamini. 10: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji papeja 8, mweshai bimwesho bibiji mwakutambikila magazini ya Kyamba kya Usopa, kya November 1. Mukimwesho kimo kimo, mweshai jishinda japusanako jakukumbwilamo bantu bachibikizha mwisambo bamba’mba: “Nalibeleshanya kale no mulimo wenu.”—Monai buku wa Ukupelulula peja 20.
Mamini. 15: Lukatazho lomuji nalo pakipwilo.
Mamini. 20: “Bakulumpe Balufunjisho lwa Buku pa Kipwilo Byobakwasha Bonse Pamuntu Pamuntu.” Jashi jamwisambo wamepuzho nemikumbu jambiwe na mukulumpe Walufunjisho lwa Buku pa Kipwilo. Mubyambo bitanshi, lumbululaiko pacheche lunengezho lwalufunjisho lwabuku byolwatendekele. (jv 237 pala. 4) Bujilai jimo basapwishi babiji nangwa basatu bakambepo pamfweto yobamwenamo mubukwasho bobebakwasha kupichila mukupwila kwa Lufunjisho lwa Buku pa Kipwilo.
Lwimbo 65 nelulombelo lwakupezhako.
Mulungu Wakutendeka October 21
Lwimbo 206
Mamini. 10: Byakubijika byapakipwilo. Sawakya wamaakaunti.
Mamini. 35: “Byotwafunjile Pakupwila Kwankambi kwa Bamukoyo Wakutaya Mbila ya Bufumu.” Jambiwe nautangijila Lufunjisho lwa Kyamba kya Usopa. Ambaipo mawi atanshi acheche akubula kupitaila paminiti umo, apa bino mutendeke mwisambo wamepuzho nemikumbu kwamba pamajashi ajingako kukupwila kwankambi, londelai bulongo kimye kyenu kyapanyiwa. Mwafwainwa nekwambako byambo bicheche kulumbulula bishinka bikatampe byakuvululamo luonde. Umvwe kyakonsheka, ipuzhai baji muluonde balumbulule byobabena kwingijisha byobafunjile kabiji nemfweto yobabena kumwenamo mukuba byobyo.
Lwimbo 194 nelulombelo lwakupezhako.
Mulungu Wakutendeka October 28
Lwimbo 110
Mamini. 10: Byakubijika byapakipwilo. Tundaikai bonse kuya nakukapitulukila jimo mubishinka byobanembele pa juba ja kupwila kwiikajila kuba’mba bakeye sabenengezhezha jimo mumwisambo ukekalako mulungu wiya Mukupwila Kwamwingilo. Vululaiko basapwishi kuleta masawakya amwingilo wamubujimi a October. Kwingijisha mashinda abiji apelako aji papeja 8, nyenga nemulongo bamweshe mwakutambikila Kyamba kya Usopa, kya November 1, nyenga amweshe jishinda jabusatu nemulongo naye amweshe jabuna. Panyuma yakimwesho kimo kimo, lumbululaiko pacheche byokyawamina kwingijisha ano mashinda akutambikilamo.
Mamini. 15: Bimwekana koko kwenu. Ipuzhai basapwishi mukipwilo bashimikizhepo bintu bimo byawama bibamwekela kimye kyobaya nepakubwela kufuma kukupwila kwankambi, saka bakiji pakupwila kwankambi, nangwa mubusapwishi bwakushukilwa pankito, pasukulu, kimye kyobapotelenga byakupotapota, nebimyetu bikwabo.
Mamini. 20: “Bantu Bavula Babena Kunungwako.” Mepuzho nemikumbu. Pitulukai mumashinda anema aji mu Kyamba kya Usopa, kya Kibemba kya August 15, 1993, mapeja 12-17.
Lwimbo 41 nelulombelo lwakupezhako.
Mulungu Wakutendeka November 4
Lwimbo 66
Mamini. 10: Byakubijika byapakipwilo. Pitulukaimo pacheche mumashinda aji mukyamukachi kya Mwingilo Wetu wa Bufumu, wa January 2002 byakutambika buloshuwa wa Nanchi Lesa Ukebaka, ne buku wa Kuyuka. Mweshaipo jishinda jimo paano mashinda.
Mamini. 13: “Kechi Twiomvwina Bumvu Mambo Awamane.” (Loma 1:16) Mwana wasolomoka Bashanji nakwibabula lukatazho. Kyashupa bingi kuyuka wakyanyike amba Kamonyi wakwa Yehoba mambo amoyo yeekala nanji wakuchina kumusebanya kubakwabo mobakaila. Bashanji bamusanchila mwanabo namambo abukishinka bwakwibabula luno lukatazho. Bashimikizha byaubile Petelo namambo akumushupa. (Mat. 26:69-74) Bashanji bamufundeko bino kuba’mba: Kechi twafwainwa kumvwa bumvu byotuji bena Kilishitu ne. (Mako 8:38) Kyawama bingi kwiyukisha obewa mwine kusukulu amba Wikamonyi. Umvwe wibabujila jimo, bafunjishi bavula bakanemekanga byowaitabilamo kabiji kechi bakakubikanga mumakayo owamona amba atamane. Bakyanyike babula kufundwa bulongo kechi bakakukanjikizhanga kuba bintu byatamane. Bakwenu momufunjila kalasi imo bakayuka bulongo kyowabujila kwikwaminamo namwanamukazhi, kuya kungi nakukakayilako makayo, nangwa makayo akayiwa panyuma yakukomboka kusukulu. Umvwe kimye kokikiji, bashanji nemwana besambe bishinka biji pakamutwe kaamba’mba “Ukubilisha Apabuuta Bucibusa Bobe na Lesa” mubuku wa Ifipusho Abacaice Bepusha, mapeja 315-18. Wakyanyike wamyaka yakusemwa pakachi ka 13 ne 19 wasanchila palujimuno lwawama lobamujimunako.
Mamini. 22: “Nekenenai Lesa—Diabola Mukanai.” (Yako. 4:7) Kwingijisha mepuzho apanyiwa kala, mukulumpe atangijile luonde mumwisambo kwisamba pamajashi ajingako pajuba ja kupwila kwiikajila kwamwaka wapwa wamwingilo. Ipuzhai basapwishi mukipwilo bashimikizhe byobaingijisha bintu byobafunjile. (Mwafwainwa kwibapela jimo mbanji yakwamba.) Ambai paino mbanji yamajashi: (1) “Kunekenena Lesa Muntanda Yabuzha.” Mamboka otwafwainwa kwikela bajimuka kuba’mba tuchinuzhuke mashinda atama aino ntanda? (2) “Kukokela Mikambizho ya Lesa Mukisemi.” Mamboka okikebewa bukiji-bukiji mujibumba ja Yehoba kukosesha bulunda mubisemi? Twakonsha kuba byepi byobyo? (3) “Kwashai Baana Babwanga Bakatataka Kukosela Kulubaji Lwa Yehoba.” Twakonsha kukwasha byepi bakatataka kushinda makatazho eseka lwitabilo lwabo? (4) “Kumukana Diabola byo Kulumbulula.” Ñanyi jishinda jawama jakwitukwasha kwimana bakosa kwi Diabola? Kuvwala byankondo byakumupashi byalondololwa mu Efisesa 6:11-18 kwakonsha kwituzhikijila byepi? (w92-CW 5/15 21-3) (5) “Bakyanyike Bamukana aye Mubi” ne “Banyike Batana Mfweto mu Kukokela Lesa.” Ñanyi mashinda amo akwa Satana bakyanyike obafwainwa kujimukako? Kukokela Yehoba abo bene bakyanyike kwibakwasha byepi? (w90-CW 8/1 13-14, mapala. 15-17) (6) “Mfweto iji mu Kukokela Mikambizho ya Lesa.” Londololai bena Kilishitu byobanekenena bakulumpe bamukafulumende, bakulumpe babo bankito, mukisemi, nemukipwilo kyabwina Kilishitu. Byubiloka bitukwasha kukokela?
Lwimbo 185 nelulombelo lwakupezhako.