Mutanchi Wakupwila Kwamwingilo

Mulungu Wakutendeka January 13

Lwimbo 21

Mamini. 10: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji papeja 4, mweshai bimwesho bibiji mwakutambikila magazini ya Kyamba kya Usopa, kya February 1.

Mamini. 15: Betabila Kwakubula Nekwibabula Byambo. Jashi nekwisamba naluonde. Bwikalo bwawama bwabwina Kilishitu busapwila bingi. Bwatundaika bamo baji mumasongola babula kwitabila kwikala bapopweshi ba Yehoba. (1 Pe. 3:1, 2) Shimikizhai byamwekele biji mu Kyamba kya Usopa kya January 1, 1999, peja 4 nekya October 1, 1995, mapeja 10-11, bya Kibemba nebiji mu 1995 Yearbook peja 46. Nengezhezhai jimo bantu babiji nangwa basatu bashimikizhe buwame bobamonamo mukulondela lujimuno lwamu Baibolo mukikye.

Mamini. 20: “Kwikela Mwayila Kwipana Kwetu.”a Panyuma yakuba mwisamba kala palagalafu 3, ipuzhai wakyanyike umo wabatizwa. Makatazhoka oapitamo kufuma kimye abatizwe? Kika kyamukwashishe kwiashinda? Kwipana kwanji kwi Yehoba kwamukwasha byepi?

Lwimbo 14 nelulombelo lwakupezhako.

Mulungu Wakutendeka January 20

Lwimbo 11

Mamini. 8: Byakubijika byapakipwilo. Sawakya wamaakaunti.

Mamini. 15: Nanchi mubena kubalaulabalaula mubinembelo pajuba pajubanyi? Jashi nekwisamba naluonde. Tundaikai bonse kwingijishanga kabuku ka Ukubebeta Amalembo Cila Bushiku mu 2003. Isambai byambo byakutatwilako biji pamapeja 3 ne 4. Ambaipo mashinda amo akonsha kukwasha bisemi kwisambilanga byambo pamo. Pakuba’mba mumweshe buwame bujimo mukwisamba kinembelo pajuba pajuba, isambai pabinembelo bibiji nangwa bisatu nebyambo byaambiwapo pabyobyo binembelo bikafunjiwa ñondo wiya. Mweshaipo kimwesho kipi kyabamulume nemukazhi babena kwisambila pamo kinembelo kyajuba nebyambo byakyo.

Mamini. 22: “Funjishai Bakwenu Ñambilo Yafwainwa.”b Panyuma yakwisamba palagalafu 6, musapwishi wayuka bulongo amweshe byakufunjisha lufunjisho lwa Baibolo kumwina nzubo kimye kyoabwelako, kwingijisha byambo bimo byakwamba biji mukyamukachi kya Mwingilo Wetu wa Bufumu wa January 2002 papeja 4. Mumwisambo wanji ambe nebyambo biji mupalagalafu imo mubuloshuwa wa Nanchi Lesa Ukebaka? Kepo pakupezhako, musapwishi epuzhe jipuzho mupalagalafu yalondelapo nekulumbulula’mba ukeya nakwijikumbula kimye kyoakabwelako jibiji. Tundaikai bonse kuvulukanga umvwe bantu bobafwakashisha bakonsha kutemwa kufunda Baibolo mujino jishinda.

Lwimbo 23 nelulombelo lwakupezhako.

Mulungu Wakutendeka January 27

Lwimbo 4

Mamini. 10: Byakubijika byapakipwilo. Vululaiko basapwishi kuleta masawakya amwingilo wamubujimi. Kwingijisha mashinda abiji apelako aji papeja 4, mweshai bimwesho bibiji byapusana mwakutambikila Kyamba kya Usopa, kya February 1. Mukimwesho kimo kimo, mubyambo byanji byakupezhako, musapwishi atambike talakiti ya Nanchi Mukeba Kuyuka Byavula pa Mambo a Baibolo Nyi? kumwina nzubo ubula kukeba kutambula magazini nemukwabo utambula. Mungipipishilo lumbululai pacheche byotwakonsha kuba pakubwela kubotwashijile magazini netalakiti.—Monai Mwingilo Wetu wa Bufumu wa November 2001, papeja 4, pala. 10.

Mamini. 15: Lukatazho lomuji nalo pakipwilo kyenu.

Mamini. 20: Kwashai Bakwenu nabuku wa Palameni Kuli Yehova. Jashi nekwisamba naluonde. Buku wakatataka yeye tukatambikanga mu February. Isambai pabyambo byakutendekelapo papeja 3 byakuba’mba, Kuli Bakabelenga, nekwambapo bintu bimo biji muuno buku. Kipungu kimo kimo mubipungu byonse 4 kyaamba pakyubilo kyanema kimo kya Yehoba. Kabiji muji ne kitango kyaamba pe Yesu byoamwesheshenga kyokyo kyubilo nekikwabo kyaamba pabyotwakonsha neatweba kumwesha kyokyo kyubilo. Muji bipikichala bikatampe 17 bibena kumwesha bintu byaubiwe kala byanembwa mu Baibolo. Byambo bya “Amepusho ya Kutontonkanyapo” bitukwasha kulanguluka palubaji lukwabo lwanema lwayewo mutwe. Pitulukai mukabokoshi ka “Byakwamba Pakutambika Buku wa Palameni Kuli Yehova,” kabiji musapwishi umo amweshepo jishinda jimo mwakubila.

Lwimbo 13 nelulombelo lwakupezhako.

Mulungu Wakutendeka February 3

Lwimbo 8

Mamini. 15: Byakubijika byapakipwilo. Pitulukai Mukabokoshi Kamepuzho. Tundaikai basapwishi kwingijisha pepala wa Twapaapaata Fwayeni Uyu Muntu (S-43) umvwe batana bantu bamba mulaka ungi, byonka byokyaambiwe munkalata yatuminwe kubipwilo byonse ya March 20, 2000. Aye pepala yafwainwa kwingijishiwa kuino nkebelo nangwa kyakuba muntu kechi wamwesha lusekelo lwakufunda mambo a Bufumu ne.

Mamini. 12: Londai Lwitabilo Lwabo. Ipuzhai mukulumpe mukipwilo umo waingijila Yehoba nakukoka muchima kabiji nena bukishinka pamyaka yavula. (Hebe. 13:7) Wafunjile byepi bukine? Makatazhoka amo oashinjile pakuyuka bukine? Ñanyi bintu byakumupashi byamukwashishe kukoma? Waubile byepi pakukanamina mwingilo wakwikala mukulumpe mukipwilo? (1 Timo. 3:1) Kika kyamukwasha kwingila mingilo yanji yamukipwilo kwakubula kubwela panyuma namambo akuba’mba wingila nkito yakumubiji nemutembo wanji wakulama kisemi? (1 Timo. 5:8) Wiumvwa byepi pamwingilo yeaji nanji wakukwasha bakwabo mukipwilo?

Mamini. 18: “Mwingilo Ukebewa Kwipelula.”c Kimye kyomubena kwisamba palagalafu 3, ipuzhai luonde kwambapo mashinda amo akukumbwilamo bantu botutana munyaunda umvwe kebetwendeleke nangwa babuluunji, bamapata, nangwa bazhingila. Kimye kyakwisamba palagalafu 4, ambaipo byambo biji mu Insight, Volyumu 1, papeja 1160, palagalafu 3.

Lwimbo 3 nelulombelo lwakupezhako.

[Tubyambo twa mushi]