Mutanchi Wa Kupwila Kwa Mwingilo

Mulungu wa Kutendeka January 12

Lwimbo 224

Mamini. 10: Bya kubijika bya pa kipwilo. Bya kubijika byo mwasalulula mu Mwingilo Wetu wa Bufumu. Kwingijisha mashinda atanshi abiji aji pa peja 4, mweshai bya kushajika Kyamba kya Usopa kya February 1. Panyuma ya kimwesho, lumbululai buwame bwakyo.

Mamini. 15: “Buneme Buji mu Kufunda pe Lesa.”a Umvwe kimye ko kikiji, ipuzhai luonde lwambepo pa binembelo byamweshiwa.

Mamini. 20: Mabuku Akatataka o Twatambwijile na Lusekelo! Kwisamba na luonde. Twatemenwe bingi kutambwila mabuku abiji akatataka alupwilwe pa Kupwila kwa Nkambo kwa “Pai Lesa Lukumo.” Buku wa “Monai Kyalo Kyawama” ke umo wapusanako bingi na mabuku akwabo o tuji nao alumbulula Baibolo. Inge mwazhikula pa mapu yalandankana pa mapeja abiji, mutana mapunzha apusana pusana amwesha bulongo Ntanda ya Mulaye. Tongaulaipo bishinka bimo byawama biji pa ma mapu apusana pusana. Ambaipo mashinda amo awama akonsha kwingijishishamo umo buku. Buku wa Sambilila Kuli Kasambilisha Mukalamba usakukwashanga bingi baana betu ku mupashi. Tongolaipo mitwe imo ya mu uno buku mulumbulule bansemi ne bakyanyike byo bakonsha kumwenamo. Ipuzhai luonde lwambepo byo babena kwingijisha bulongo ano mabuku akatataka.

Lwimbo 186 ne lulombelo lwa kupezhako.

Mulungu wa Kutendeka January 19

Lwimbo 95

Mamini. 5: Bya kubijika bya pa kipwilo.

Mamini. 10: Kabokoshi ka Mepuzho. Jashi jambiwe na mukulumpe mu kipwilo.

Mamini. 15: Bibena kukebewa pa kipwilo.

Mamini. 15: “Twakonsha Kukwasha Byepi Bantu Babula Bakamonyi Besongola na Bakamonyi?”b Ipuzhaipo umo nangwa babiji baishile kwikala bakalume ba Yehoba na mambo a byubilo byawama bibamwesheshe bena kwabo batendekejilepo kufunda bukine.

Lwimbo 73 ne lulombelo lwa kupezhako.

Mulungu wa Kutendeka January 26

Lwimbo 158

Mamini. 12: Bya kubijika bya pa kipwilo. Sawakya wa maakaunti. Vululaiko basapwishi kutuma masawakya abo a mwingilo wa January. Kwingijisha mashinda abiji apelako aji pa peja 4, mweshai bya kushajika Kyamba kya Usopa kya February 1. Mu kino kimwesho, mweshai byo mwakonsha kushajika magazini ku bakwenu bo mwaikala nabo kinkalankulo.

Mamini. 15: Pa Juba pa Juba Ingijishainga Byambo bya Lesa mu Bwikalo Bwenu. Jashi ne kwisamba na luonde. Tundaikai bonse kwingijishanga kabuku ka Kubalaulabalaula Binembelo pa Juba pa Juba—2004. Isambai pa byambo biji pa mapeja 3-4. Ipuzhai luonde lwambepo pa muntu pa muntu kimye kyo bamona’mba kyo kyawama kufunjilamo kinembelo kya juba. Isambilai pamo na kipwilo kinembelo kya juba ne byambo byakyo. Ipuzhai luonde lwambepo byo twakonsha kwingijisha byobyo byambo. Tundaikai bonse bekalengako na kimye kicheche kya kumona byo bakonsha kwingijisha byobyo byambo byo bafunda mu kinembelo pa juba pa juba.

Mamini. 18: Kukomesha Bulunda na Bakwetu ba mu Lwitabilo. (Mana. 18:24; 27:9) Jashi ne kwisamba na luonde kufuma mu Mwingilo Wetu wa Bufumu wa August 2001, peja 1. Buwame bumo buji mu mpopwelo ya kine ke jishuko ja kwikala na balunda bakine. Bakwetu botupwañana nabo ku kipwilo, mu mwingilo wa mu bujimi, ne kukwabotu betutundaika bingi. Twakonsha kukomesha byepi bulunda na bakwetu mu kipwilo? Pitulukai mu bishinka bikatampe biji mu kibaba kya kuba’mba “Ukutemwa Aba Bwananyina Kubelelele!” (w97-CW 8/1 mape. 14-19) ne kwipuzha luonde lwambepo.

Lwimbo 177 ne lulombelo lwa kupezhako.

Mulungu wa Kutendeka February 2

Lwimbo 204

Mamini. 10: Bya kubijika bya pa kipwilo. Tongolai mabuku a kushajika mu February. Pitulukai mu bya kwamba pa kushajika buku wa Palameni Kuli Yehova biji mu Mwingilo Wetu wa Bufumu wa January 2003, peja 3.

Mamini. 20: “Kwingijisha Kimye Kyetu Bulongo.”c Ipuzhai luonde lwambepo byo boba pa kuba’mba bintu bya ku mubiji bibulenga kuzhikijila bintu bya ku mupashi.

Mamini. 15: Ikalai ba Kulondela Paulo Byonka Aye byo Alondele Kilishitu. (1 Ko. 11:1) Kwisamba na luonde. Byonka byajinga Yesu, Paulo washukijilwe bimye ne kusapwila ku ‘boba bo asambakenenga.’ (Byubilo 17:17) Ñanyi mashuko o tuji nao a kuba bino mu nyaunda yetu? Bañanyi ‘botusambakana’ umvwe twaya na kupota bintu, umvwe tuji ku nkito nangwa ku sukulu, nangwa twapatama motoka? Bañanyi botumonañana nabo umvwe tuji pa nzubo? Ipuzhai luonde bashimikizhe byo bataine kimye kyo basapwijilenga bantu bo basambakene mu mingilo yabo ya pa juba pa juba.

Lwimbo 151 ne lulombelo lwa kupezhako.