Mutanchi Wa Kupwila Kwa Mwingilo

Mulungu wa Kutendeka October 11

Lwimbo 219

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Tundaikai bonse kupituluka mu byambo byo banembele pa Kupwila kwa Nkambi kwa “Endainga na Lesa” kwingijisha mepuzho aji pa peja 1 kuba’mba bakenengezhe kukumbulapo pa kupitulukamo mu majashi a Kupwila kwa Mwingilo mulungu wiya. Kwingijisha mashinda atanshi abiji aji pa peja 8 (umvwe afwainwa mu nyaunda yenu), mweshai bya kushajika Kyamba kya Usopa kya November 1. Tundaikai basapwishi kutanga kinembelo kimye kyo babena kushajika magazini. Mashinda akwabo awama a kushajikilamo akonsha kwingijishiwa.

Mamini. 15: Mwenaimo Lusekelo mu Kukwasha Bakwenu. (Yoa 4:34) Mwisambo wa mepuzho. Kipana bingi lusekelo pa kumona muntu wipana kufunda bukine buji mu Byambo bya Lesa. (w94-CW 3/1 pe. 29 mapala. 6-7) Ipuzhai basapwishi babiji nangwa basatu nangwa bapainiya bengila bulongo mu bujimi byo bengijisha Baibolo kutatula ne kufunjisha mafunjisho a Baibolo. Boba byepi umvwe batana muntu uji na lusekelo? Ñanyi lusekelo lo bekala nalo mu kuba bino? Bambilai bashimikizhe nangwa bamweshe kimwesho byo baubile kino kimye kyo bajinga mu bujimi.

Mamini. 20: “Mukwekele Wiikajila wa Kushajika Buloshuwa wa Katataka.”a Jambiwe na mukulupe utangijila mwingilo. Bya kwamba byamweshiwa bimweshai mu bukimwesho. Mu kimwesho kimo, mweshai mwina nzubo wabula kumwesha lusekelo lwa kine mu Binembelo kabiji bamushila talakiti mu kifulo kya kumushila buloshuwa.

Lwimbo 69 ne lulombelo lwa kupezhako.

Mulungu wa Kutendeka October 18

Lwimbo 127

Mamini. 5: Bya kubijika bya pa kipwilo. Pitulukaimo pacheche mu mutanchi wa mukwekele waiikajila wa kushajika buloshuwa wa katataka.

Mamini. 40: “Kupwila kwa Nkambi Kwitutundaikile Kwenda na Lesa.” Jambiwe na mukulumpe mu kipwilo. Panyuma ya kwambapo byambo bya kutatwilapo pa miniti umo ne kubwela panshi, tendekai kwisamba na luonde pa majashi a kupwila kwa nkambi kwajingako kwingijisha mepuzho aji mu uno mutwe. Ingijishai bulongo kimye kuba’mba mukonshe kushikisha mepuzho onse, kampe mwakonshatu kuswisha luonde kukumbula mukumbu umo mu mepuzho amo amo. Kechi binembelo byonse byafwainwa kutangiwa mu kino kimye kyapanyiwa ne; bino binembelo byanembwa kuba’mba kipeleko kutana mikumbu. Mikumbu yafwainwa kushinkamana pa buneme bwa kwingijisha bintu byafunjiwe.

Lwimbo 165 ne lulombelo lwa kupezhako.

Mulungu wa Kutendeka October 25

Lwimbo 56

Mamini. 10: Bya kubijika bya pa kipwilo. Sawakya wa maakaunti. Mweshai kimwesho kya kushajikilamo buloshuwa wa katataka kibena kumwesha jishinda jingila bulongo mu nyaunda yenu. Umvwe kimye kokiji, shimikizhaipo bya mwekele kimye kya mukwekele wiikajila.

Mamini. 15: Bibena kukebewa pa kipwilo.

Mamini. 20: Ingijishai Bishinka Bikwabo bya Kushiina amba Kine Baibolo Byambo bya Lesa. Mwisambo na luonde kufuma mu buku wa Isukulu lya Butumikishi, mapeja 256-7. Twakonsha kwingijisha byepi bishinka bikwabo byabula mu Baibolo kuba’mba tukwashe bantu bayuke bukine bwa Binembelo? Ambilai luonde lwambepo pa ano mepuzho: Ñanyi bya kumwenako byo twakonsha kutongola biji mwiulu bimwesha’mba Mulenga ko aji? (rs-CW mape. 252-4) Twakonsha kwingijisha byepi byambo byamba bashayuka kukwashishamo bakwetu nabo kuba’mba bayuke amba kine Baibolo Byambo bya Lesa? (rs-CW mape. 65-8) Ñanyi bimwesho byo twakonsha kwingijisha pa kuba’mba tukwashe bakwetu nabo bayuke ene mambo Lesa o aswishisha bubi? (rs-CW pe. 249) Pa kuba’mba bakwenu nabo bayuke buneme bwa kulondela lujimuno lwa mu Baibolo, ñanyi bya kumwenako nangwa byamwekele byo mwaingijishe?

Lwimbo 62 ne lulombelo lwa kupezhako.

Mulungu wa Kutendeka November 1

Lwimbo 15

Mamini. 10: Bya kubijika bya pa kipwilo. Vululaiko basapwishi bonse kuleta masawakya a mwingilo wa mu bujimi.

Mamini. 20: Bya Kukwasha Aba Bamba Mulaka Ungi. Jashi ne kwisamba na luonde jaimena pa byambo bitanshi biji mu kabuku ka Good News for People of All Nations (Mambo Awama a ku Bantu ba Mikoka Yonse). Lumbululai biji mu kano kabuku ka katataka. Isambai mashinda asatu o twakonsha kukwashishamo bantu bamba mulaka ye twabula kuyuka. Ambaipo ne byambo biji mu Mwingilo Wetu wa Bufumu wa July 2003 pa peja 4. Ambai kuba’mba pepala wa Twapaapaata Fwayeni Uyu Muntu (S-43) wafwainwa kunembewapo nangwa kya kuba muntu kechi wamwesha lusekelo mu mambo a Bufumu ne. Mweshaipo kimwesho kya bya kushajika kano kabuku ka katataka.

Mamini. 15: Byo mwaingijile pa kipwilo. Ambilai luonde bashimikizhepo byo baingijile kimye kya mukwekele wiikajila wa kushajika buloshuwa wa katataka. Nengezhezhai jimo kimwesho kya kumwesha byawama byamwekele byo byaubiwe. Umvwe mabuloshuwa pa kipwilo keakepane, ambai’mba aba baji na makope asubukapo beabwezhe ku balongo batala pa mabuku kuba’mba beapane ku bakonsha kwiashajika.

Lwimbo 175 ne lulombelo lwa kupezhako.

[Tubyambo twa mushi]