Bya Kwamba pa Kushajika Magazini

Kyamba kya Usopa Jan. 1

“Bupopweshi bwavula bufunjisha’mba bantu bafwainwa kutemwa bakwabo mobekela kinkalankulo. [Tangai Mateo 22:39.] Pano nga mambo ka bupopweshi bwavula kyo bwivwangila mu makondo ne malwañano aji mu ntanda? [Lekai akumbule.] Kino Kyamba kya Usopa kyakumbula jipuzho ja kuba’mba, Nanchi bupopweshi bwakonsha kukwatankanya bantu nyi?”

Kyamba kya Usopa Jan. 1

“Na mambo a makatazho o tupitamo, kyapela bingi kuya ku mulunda netu ye twaketekela kuba’mba etukwashe kuchinchika bulanda bo tuji nabo, nangwa kuchinchika makatazho akilamo kukatazha. Ñanyi ye mwalanguluka’mba ye mulunda netu wawama wakonsha kwitukwasha? [Lekai akumbule, apa bino mutange Masalamo 121:2.] Ino magazini yalumbulula buno bukwasho byo bwakonsha kutanyiwa.”

Kyamba kya Usopa Jan. 1

“Mwapita bwikalo bwa bantu bonse, kujitu muntu umo waikeleko kwa kubula kulengapo mambo mu bwikalo bwanji bonse. Mwalanguluka’mba ntanda yakonsha kwikala byepi umvwe bantu bonse baikala byonka biji uno muntu? [Lekai akumbule.] Uno muntu ke Yesu. Ino magazini ya Kyamba kya Usopa yalumbulula mashinda mwa kumulondela ne mfweto iji mu kuba byobyo. Tangai Yoano 13:15.”

Kyamba kya Usopa Jan. 1

“Mu ntanda byo mwavula bisho, bimo bibula ne kumusangajika Lesa, mwalangulukapo’mba ki ka kyakonsha kwitukwasha kufuukulapo kana kwivwanga mu kyokyo kisho nangwa ne? [Lekai akumbule, apa bino mutange 1 Kolinda 10:31.] Ino magazini yaamba pa bisho bimo byo twakonsha kuchinuzhuka mambo kechi bisangajika Lesa ne.”