Ingijishai Jishinda Japela Kusolomokelamo

Kwibatemwa bantu kya kine kuketukwasha kuyuka byo bakeba ne kwibamwesha Bufumu byo bukapwisha makatazho o bapitamo. (Fili. 2:4) Nsolomokelo yapela basapwishi bavula yo batana kuba’mba ingila bulongo ke kwambila mwina nzubo kwambapo pa bipikichala bibena kumwesha Paladisa biji mu mabuku etu, nabiji bibye biji kukilujo kya ino peja. Mwakonsha kuba bino kupichila mu kwingijisha ino ñambilo yalondelapo:

◼ “Nanchi mwalanguluka’mba tukamona bisemi sa bikala bulongo byonka byo kyamweshiwa pa pe nyi?”

◼ “Atweba bonse tukeba baana betu kwikala bulongo mu ntanda yamweshiwa pa pe. Mwalanguluka’mba ki ka kikebewa pa kuba’mba ntanda ya uno mutundu ikekaleko?”

◼ “Kino kibena kumwesha ntanda byo ikekala kimye kyaswa muchima wa Lesa byo kikobiwa panopantanda byonka byo kyubiwa mwiulu. Nanchi mwamonapo kiji kyonse pa kino kipikichala kyapusanako na bwikalo bwa kino kimye nyi?”

◼ “Abya mwakonsha kutemwa kwikala bwikalo bwamweshiwa pa pe nyi? [Lekai akumbule.] Nanchi mwalanguluka’mba kino kikobiwa mu ano moba etu nyi?”

Telekeshai bulongo byo abena kukumbula, kabiji mushikishai na mushingi bwipuzho bumo nangwa abiji muyuke byo abena kulangulukapo. Umvwe bamo bakana’mba kuba batemwa kwikala bwikalo bwamweshiwa nangwa bakana kuba’mba bwikalo bwa uno mutundu kechi bwakonsheka ne, kange mupelawizhe kwamba’mba kechi bakeba kufunda ne. Bepuzhai na mushingi muyuke ene mambo o balangulukila byobyo. Byambo byabo byakonsha kumwesha kijikila kyo baji nakyo pa makatazho apitamo bantu amweka nobe kuba apwa ne.—Ezi. 9:4.

Byo mubena kulanguluka pa bijikila bimo bibena kukatazha mwina nzubo, alulai ñambilo yenu kwesekana na byo kiji. Ambai pa lubaji lumo lwa mambo a Bufumu abena kwamba kikatakata pa byobyo bibena kumushupa. Kabiji mumweshai kinembelo kimo nangwa bibiji bibena kwamba pa makatazho abena kumuletela bijikila. (Monai mashinda asalululwa aji kukilujo.) Mulekai mwine emwene Mambo a Lesa byo aamba. Umvwe wamwesha lusekelo lwa kukeba kufunda, mushilai buku kabiji ne kunengezha kubwelako jikwabo. Mushilai mujojo kimye kitanshi kyo mwisamba nanji.

[Kitenguluzha pa peja 6]

Bipikichala Bibena Kumwesha Paladisa

Buku wa Creation: mapeja 237, 243, 251

Buku wa Kasambilisha: mapeja 251-4

Buku wa Kuyuka: mapeja 4-5, 188-9

Buloshuwa wa Nanchi Lesa Ukebaka: mapeja 11, 13

Buku wa True Peace: peja 98

Buku wa Popwelai Lesa: mapeja 92-3

Bintu Bilengela Bantu Lelo Jino Kwikala na Bijikila

Bikola, bulema

Isaya 33:24; 35:5, 6

Bumbanzhi, Bukapondo

Masalamo 37:10, 11;

Byambo bya Mana. 2:21, 22

Buyanji, kunyanchijilwa

Masalamo 72:12-14;

Musapwishi 8:9

Kafulumende wabula kufwainwa

Masalamo 146:3, 4;

Danyela 2:44

Konaika kwa byubilo byawama

2 Timoti 3:1-5

Konauna ntanda

Lumwekesho 11:18

Kukepelwa kajo, kikola kya nzala

Masalamo 72:16;

Isaya 25:6

Kumanyika banyama

Byambo bya Mana 12:10

Kupopomenwa

Masalamo 34:8;

Isaya 65:17-19

Lufu, mabingo

Isaya 25:8;

Lumwekesho 21:3, 4

Mazhikakanwa, nshiji

Isaya 9:6, 7;

2 Petelo 3:13

Mazubo ne bwikalo kukatazha

Isaya 65:21, 22

Misalululo, kubula kwesakana mu bintu

Isaya 11:3-5;

Byubilo 10:34, 35

Nkondo, bumpupabizhila

Masalamo 46:8, 9;

Mika 4:3, 4