Mutanchi Wa Kupwila Kwa Mwingilo

Mulungu wa Kutendeka January 8

Lwimbo 12

Mamini. 10: Bya kubijika bya pa kipwilo. Tundaikai bonse kutambila jimo vidyo ya No Blood—Medicine Meets the Challenge kunengezha mwisambo ukekalako pa Kupwila kwa Mwingilo mu mulungu wa January 22. Umvwe ino vidyo mufwayo, bulai basapwishi kupituluka mu buku wa Nanchi Baibolo Kine Ufunjisha’mba Ka? mapeja 128-133, mapalagalafu 10-19. Kwingijisha mashinda atanshi abiji aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya February 1 ne Awake! wa January. Mu kimwesho kimo, mweshai bya kulumbulwila bulongo muntu uchibikizha mwisambo bukiji bukiji na byambo bya kuba’mba “Napayankana bingi.”—Monai buku wa Ukupelulula, pe. 19-20.

Mamini. 15: Mwenaimo mu Kubalaulabalaula mu Binembelo pa Juba pa Juba. Jashi ne kwisamba na luonde kufuma mu byambo bitanshi biji mu Kubalaulabalaula mu Binembelo pa Juba pa Juba—2007. Ambai pa byo kyanemena bonse kwikalako na maminiti acheche a kupituluka mu Kinembelo ne byambo byambiwapo pa juba pa juba. Nengezhezhai jimo muntu umo nangwa babiji kwambapo pa mutanchi wabo wa kupitulukamo mu kinembelo kabiji ne byo bamwenamo. Pezhaiko kupichila mu kwisambako pacheche pa kinembelo kya mwaka wa 2007.

Mamini. 20: Sapwilai Mambo Awama ku Bantu bonse. Jashi ne kwisamba na luonde kufuma mu buku wa Bakwatankana Kuba Kyaswa Muchima wa Yehoba, peja 92 kufika pa kamutwe pa peja 102.

Lwimbo 165 ne lulombelo lwa kupezhako.

Mulungu wa Kutendeka January 15

Lwimbo 93

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu.

Mamini. 15: Abya Paji Kibena Kwimukanya Nyi? Jashi jambiwe na mukulumpe mu kipwilo, kufuma mu Kyamba kya Usopa kya April 1, 2002, mapeja 22-25.

Mamini. 20: “Kechi Mbena Kukeba Ne.”a Pa kwisamba palagalafu 4, Ipuzhai luonde kwambapo pa bintu byakatazha bantu mu nyaunda yenu. Mweshaipo bimwesho bipi bibiji bya kulumbulwila muntu uchibikizha mwisambo bukiji bukiji na byambo bya kuba’mba “kechi mbena kukeba ne.”—Monai buku wa Ukupelulula, pe. 16.

Lwimbo 135 ne lulombelo lwa kupezhako.

Mulungu wa Kutendeka January 22

Lwimbo 224

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Kwingijisha mashinda abiji apelako aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya February 1 ne Awake! wa February. Mu kimwesho kimo, mweshai kimwesho kya kubwelako ku muntu ye mutwajila magazini kimye kyonse.

Mamini. 10: Bibena kukebewa pa kipwilo.

Mamini. 25: “Jishinda Jawama ja Kubukilwamo jo Jepi?” Jambiwe na mukulumpe mu kipwilo. Kwa kubula kutaya kimye ne, tendekai kwisamba na luonde vidyo ya No Blood, kwingijisha mepuzho anembwa mu kibaba. Pezhaiko kutanga palagalafu yapelako ne kutundaika bonse kupitulukamo bulongo mu bibaba byamweshiwa bya Mwingilo Wetu wa Bufumu. Umvwe ino vidyo mufwayo isambai na luonde mu buku wa Nanchi Baibolo Kine Ufunjisha’mba Ka? mapeja 128-133 mapalagalafu 10-19.

Lwimbo 188 ne lulombelo lwa kupezhako.

Mulungu wa Kutendeka January 29

Lwimbo 55

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa January. Tongolai mabuku a kusha mu February, kabiji ne kumweshapo jishinda jimo.

Mamini. 20: “Nanchi Mwinengezha ku bya Malwa Biponakotu Bine Nyi?”b Jambiwe na mukulumpe mu kipwilo. Ambaipo ne pa byambo biji mu Mwingilo Wetu wa Bufumu wa January 2005, Kabokoshi ka Mepuzho.

Mamini. 15: Lunengezho lwa Butemwe lwa Kwitukwasha. Jambiwe na mukulumpe mu kipwilo. Tangai ne kwisamba pa nkalata yafuma ku ofweshi wa musampi ya January 3, 2007 yatuminwe ku bipwilo byonse yaamba pa mashinda a kumwenamo mu mingilo ingila Kometi ya Bambañana na ba Mingilo mu Bipatela (HLC) ne kometi ya Jibumba Jipempula Bakolwa (PVG).

Lwimbo 137 ne lulombelo lwa kupezhako.

Mulungu wa Kutendeka February 5

Lwimbo 3

Mamini. 10: Bya kubijika bya pa kipwilo.

Mamini. 15: Byo Byonji! Jashi ne kwisamba na luonde. Bakyanyike bamo baji bingi na mulele wa kwiyukanyikisha abo bene amba Bakamonyi ba kwa Yehoba mambo balanguluka’mba bakwabo bakonsha kwibendeleka. Nangwa byonkabyo, kuji bishinka byawama bya kulengela muntu kwiyukanyikisha aye mwine. Bafunjishi bayuka bintu byo mwaitabilamo bakakonsha kwibinemeka kabiji kechi bakemukanjikizhanga’mba mube bintu byabula kufwainwa ne. Bakyanyike baji na byubilo byatama kechi bakafikenatu ponkapo kwimwambila kupwanañena nabo pamo mu byubilo byatama ne. Bakwabo nabo bakayuka mulanguluko wenu wapusanako ye mwafuukulapo pa mambo a bintu nabiji busambe ne bisela bya pa sukulu ne bintutu bikwabo byubiwa panyuma ya kukotoka ku sukulu. Kabiji kechi mukachina kusapwila pa sukulu nangwa pa kusambakana mukwenu mo mufunjila kimye kyo mubena kusapwila mu nyaunda ne. (g02-CW 7/8 pe. 28) Ipuzhaipo basapwishi kwambapo pa byo bamwenejilemo mu kwiyukanyikisha abo bene ku sukulu amba Bakamonyi ba kwa Yehoba. Mwakonsha kubujila jimo muntu umo nangwa babiji ba kwambapo.

Mamini. 20: “Butemwe bo Bulenga Mwingilo Kwingijiwa Bulongo.”c Ambaipo ne pa byambo biji mu Kyamba kya Usopa, kya February 1, 2003, peja 32, mapalagalafu 16-17.

Lwimbo 83 ne lulombelo lwa kupezhako.

[Tubyambo twa mushi]