Bya Kwamba pa Kusha Magazini

Kyamba kya Usopa Feb. 1

“Bantu bamo balanguluka’mba binembelo byanembelwe kala Kilishitu saka akyangye kwiya, kechi byakonsha kwingila ne. Nanchi ne anweba byo byo mulanguluka nyi? [Lekai akumbule.] Ino magazini iji na lufunjisho lwawama lwa kwitukwasha kwikala na butemwe bwa kutemwa bantu ne kwibata muchima, abo buzhikijila masongola ne bisemi. [Tangai Efisesa 5:28-31.] Musakumwenamo pakatampe kutanga byo twakonsha kuyuka butemwe bwa kine ne bobwa bwa kifwanyikizhotu.”

Awake Jan.

“Nanchi mwamona kuba’mba bantu bavula bebepekezha kwikala bena Kilishitu kechi balondela mafunjisho a Yesu nenyi? [Lekai akumbule.] Kya kumwenako, bavula kechi balondela byambo bya kwa Yesu byaambiwa pano ne. [Tangai Yoano 13:35.] Kino kibaba kyalumbulula lupusano luji pakachi ka bintu byafunjishe Yesu ne mweno ya bavula bebepekezha kwikala bena Kilishitu.” Mweshai kibaba kyatendekela pa peja 18.

Kyamba kya Usopa Feb. 1

Nanchi mwakizhinaukapo kala amba kana Lesa usanchila mingilo ya bantu yo bakonsha kumwingijila nyi? [Lekai akumbule. Apa bino mutange Bahebelu 11:6.] Ino magazini iji na bya kumwenako bimo bya bantu bo bafwetele kwi Lesa na mambo a mingilo yabo ya lwitabilo.”

Awake Feb.

“Bantu bamo babena kwalula ndangulukilo yabo pa mambo a bupopweshi. Nanchi mulanguluka’mba machechi abena kuya na kupwa bulume nyi? [Lekai akumbule.] Bino byambo bya mutumwa Paulo, byalondolola ene mambo bantu bamo o balengulwila bupopweshi. [Tangai Byubilo 20:29, 30.] Ino magazini yamwesha Baibolo byo aamba pa mambo a bikekala bwina Kilishitu kulutwe na lwendo.”