Bya Kwamba pa Kusha Magazini

Awake Jan.

“Ano moba bukwasho bubavule bingi bwa kwamba pa mitwe yonse. Mitwe inga yo mulanguluka amba yo yo twafwainwa kuketekela? [Lekai akumbule. Apa bino mutange 2 Timoti 3:16.] Ino Awake! yamwesha ene mambo o twafwainwa kwingijishisha Baibolo kwikala nsulo ya ketekelwa ya maana ingila.” Mumweshai kibaba kyatendekela pa peja 18.

Kyamba kya Usopa Feb. 1

“Konse ko mukaya kechi mukatanapo muntu ukatemwa kumutela amba wa kwa Satana Diabola ne. Nanchi mwayuka kuba’mba kupichila mu byubilo byabo bene, bantu balengela Diabola kutendeka kwibatangijila mu bwikalo bwabo nyi? [Lekai akumbule.] Ino magazini yamwesha o kyanemena kwizhikijila ku lupato, ku bubela ne ku byubilo bikwabo byakonsha kulengela muntu kwikala ku lubaji lwa kwa Diabola.” Tangai Yoano 8:44.

Awake Feb.

“Atweba bavula tuji na balongo betu nangwa bakwetu bakote, tulangulukapo bingi pa mashinda o twakonsha kwibakwashishamo kushinda mikika yo bapitamo mu bukote bwabo. Kechi ibyo nenyi? [Lekai akumbule.] Ino magazini yapana mashinda amo a kwibakwashishamo kuyuka bya kuba na bukote bwabo. Kabiji yalumbulula buno bungauzhi byo bukafikizhiwa.” Tangai Yoba 33:25.

Kyamba kya Usopa Feb. 1

“Atweba bonse tukeba mali pa kuba’mba twikalenga bulongo. Abya mwakonsha kuswa amba kikebewa kwizhikijila ku kizumba kyatongolwa papo nyi? [Tangai 1 Timoti 6:10, ne kuleka akumbule.] Kino Kyamba kya Usopa kitukwasha kuyuka bitewa bimo byayukanyikwa biji mu kukeba bya bunonshi, kabiji kyalumbulula ne byo twakonsha kwibichinuzhuka.”