Bya Kwamba pa Kusha Magazini

Kyamba kya Usopa Jan.–Mar.

“Nanchi musakuswa byaambiwa papo nyi? [Tangai Yakoba 3:2.] Kino kibaba kyapana mashinda awama bingi aji mu Baibolo akonsha kwitukwasha kubula kuzhingijisha ba mu kisemi kyetu na byambo byetu.” Mu mweshai kibaba kiji pa peja 10.

Awake Jan.

“Mu masongola onse muji makatazho. Kwepi ko mwalanguluka’mba bamulume ne mukazhi bakonsha kutana mafunde a ketekelwa? [Lekai akumbule.] Akimonai ano mafunde awama. [Tangai Efisesa 5:22, 25.] Kino kibaba kyalumbulula banabakazhi byo bafwainwa kunekenena bamwata wabo.” Mumweshai kibaba kiji pa peja 28.

Kyamba kya Usopa Jan.–Mar.

“Bantu bavula balomba’mba Bufumu bwa Lesa bufike. Kya kumwenako, akimonai luno lulombelo lwaya nkuwa Yesu loafunjishe baana banji ba bwanga. [Tangai Mateo 6:9, 10.] Nanchi mwakilangulukapo kala buno Bufumu byo buji ne kimye kyo bukeya nyi? [Lekai akumbule.] Ino magazini yamwesha Baibolo byo aamba pa mambo a buno Bufumu.”

Awake Feb.

“Na mambo a kuvujilako kwa bumbanzhi, bantu bavula basusubalatu. Nanchi bintu kine bikalukapo nyi? [Lekai akumbule.] Akimonai byaamba buno bungauzhi bwa mu Baibolo. [Tangai Salamo 37:10.] Ino magazini yaamba kine kintu kibena kulengela bumbanzhi ne Baibolo byo aamba pa kintu kikapwisha luno lukatazho.”