Bya Kwamba pa Kusha Magazini

Kyamba kya Usopa Jan.–Mar.

“Mbena kukeba kuyuka mulanguluko wenu pa kino kinembelo kyayukanyikwa. [Tangai Ntendekelo 1:27.] Nanchi bino byambo byaambapo’mba Lesa waingijishe kwaluka kwa bintu kuba’mba alenge bintu byumi byapusana pusana nyi? [Lekai akumbule.] Ino magazini yalumbulula ene mambo o kyakonsha kubula kukonsheka mutundu wa bintu byumi kwaluka mu mutundu wa bintu bikwabo.”

Awake Feb.

“Bantu bamo balanguluka’mba Lesa usungatu bilubo byonse byo tuba. Bakwabo nabo balanguluka’mba ulekela bantu mambo onse, kikale abaya byepi nangwa byepi. Mwalangulukapo’mba ka? [Lekai akumbule, apa bino mutange Byubilo 3:19.] Kino kibaba kyaamba pa mashinda asatu aambiwa mu Baibolo a kubilwamo lusa kwi Lesa.” Mumweshai kibaba kiji pa peja 10.

Kyamba kya Usopa Jan.–Mar.

“Atweba bavula tupita bingi mu makatazho kabiji kimye kimo twakonsha kulanguluka’mba kana Mulenga wa bintu byonse ubena kumona ano makatazho o tupitamo nyi, kana. Abya mwakiipuzhapo anwe bene’mba kana Lesa wituta muchima nyi? [Lekai akumbule.] Akimonai Yesu byo etubula mu bukishinka amba nangwa twibambulwakoloka ba byepi, twakonsha kulomba kwi ‘Lesa amba Tata.’ [Mateo 6:9.] Kino kibaba kyamwesha byo tumwenamo pa kwikala na uno Lesa wawama.”

Awake Mar.

“Nanchi mulanguluka’mba bupopweshi bonse bujitu bulongo nyi? [Lekai akumbule.] Akimonai Baibolo byo aamba pa mambo a mpopwelo ya bantu bamo. [Tangai Mako 7:7.] Nga muntu wakonsha kuyuka byepi’mba bupopweshi bubena kufunjisha bukine kechi ‘mikambizho ya bantu’ ne? Nanchi kyakonsheka kutana bukine nyi? Ino magazini yakumbula ano mepuzho.”