Bya Kwamba pa Kusha Magazini

Kyamba kya Usopa Mar. 1

“Umvwe mwakonsha kusala muntu wa kulama ino ntanda, ñanyi ye mwakonsha kusala? [Lekai akumbule.] Kino Kyamba kya Usopa kyaamba pa biyukilo bya kuyukilako Mesiasa, ao Lesa ye asala kulama ino ntanda. Kabiji kyalumbulula bukalama bwanji byo bukoba ku bantu.” Tangai Isaya 9:6, 7.

Awake Feb.

“Ano moba kuji balesa bavula bingi bantu bo bapopwela. Nangwa byonkabyo, akimonai byaambile Yesu mu lulombelo pa mambo a Shanji wa mwiulu. [Tangai Yoano 17:3.] Umvwe kujitu Lesa wa kine umo, nga abe balesa bakwabo kiji byepi? [Lekai akumbule.] Kino kibaba kyamwesha byaamba Baibolo.” Mumweshai kibaba kiji pa mapeja 28-9.

Kyamba kya Usopa Mar. 1

“Pa bintu byavula byamwekele byo tutanga mu Baibolo, tutanamo kimo kya ntangi wakebele kwipaya bantu mu juba jimotu. Nobe mu kukopatu kwa jiso bintu byaalukile kabiji Lesa wibapokolwele bantu. Nanchi mwalanguluka’mba kujipo lufunjisho lo twakonsha kufunjilako ku kino nyi? [Lekai akumbule, apa bino mutange Eshita 4:3.] Umvwe ke tupite mu makatazho, twafwainwa kulomba kwi Lesa kuba’mba etukoseshe ne kwitupa maana.”

Awake Mar.

“Butemwe bwanema bingi pa kuba’mba twikale balusekelo kabiji ne kwikala bwikalo bwawama. Bino ku bantu bavula kibakatazha bingi kutana butemwe bwa kine. Nanchi mulanguluka’mba ki ka kilengela kino? [Lekai akumbule.] Kishinka kine kikatampe kya kutainamo butemwe bwa kine ke kufunda kumwesha butemwe ku bakwetu bwakubula kichima. Ino magazini yalumbulula byavwangiwamo.” Tangai 1 Kolinda 13:4-7.