Bya Kwamba pa Kushajika Magazini

Kyamba kya Usopa Feb. 1

“Binembelo ne bishimikizho bya mpito bisolola bukine bwa bukata bwa Lesa. Nanchi bukata bwanji bwafwainwa kwitulengela kubapo byepi? [Lekai akumbule] Akimonai mu kino kinembelo abyo umo wajinga mfumu byoatelele buneme kwi Lesa. [Tangai Masalamo 8:3, 4] Mfumu Davida nangwa kya kuba waubile bintu byavula, bino wayukile papela bulume bwa muntu. Mwakonsha kutanga byavula pa buno bukata bwa Lesa bubulwa kukonsheka kwibuyuka mu kino kibaba kiji mu Kyamba kya Usopa.”

Kyamba kya Usopa Feb. 1

“Lelo jino, bantu bavula balomba kimye kyonse. Nangwa kya kuba kutendekatu ne kunyuma bantu balombanga kwi Lesa, abya mulangulukapo amba kyafwainwa bingi kufunda bya kulomba nyi? [Lekai akumbule, apa bino mutange Luka 11:1] Kino kibaba kiji mu Kyamba kya Usopa kyalumbulula ene mambo alengejile baana ba bwanga kumwipuzha Yesu kabiji ne byo twakonsha kufunjilako ku milombelo yanji.”

Kyamba kya Usopa Feb. 1

“Mu byalo byavula, kukajilwa makito ne kushupikwa mu bwikalo kwalengela bavula kwikala na bijikila. Kya kine, twafwainwa kukebela bisemi byetu bya kuja, bya kuvwala ne mwa kulaala. Nanchi mulangulukapo amba kyatama bingi kwikala na milanguluko ya kukeba bintu bya yenka uno musango nyi? [Lekai akumbule, apa bino mutange Mateo 6:31, 33] Ino magazini yalondolola ene mambo o twafwainwa kwikela na luketekelo kuba’mba kine Lesa uketupa byo twakajilwa.”

Kyamba kya Usopa Feb. 1

“Mu ino ntanda muji bingi lupimpu mu bya bumulwila ntanda, bupopweshi, ne mu bya bukomo. Byotwayuka kuba’mba buno bwikalo bonse bwa ino ntanda bukeya konaunwa, twafwainwa kubapo ka? [Lekai akumbule] Mutumwa Paulo wanembele bino byambo bya kwitukwasha [Tangai 2 Petelo 3:11] Kino Kyamba kya Usopa kyalondolola byo twakonsha kwikala bwikalo bwazhila ne bwa kunemeka Lesa.”