Mutanchi Wa Kupwila Kwa Mwingilo

Mulungu wa Kutendeka January 14

Lwimbo 41

Mamini. 10: Bya kubijika bya pa kipwilo. Bya kubijika byo mwasalulula mu Mwingilo Wetu wa Bufumu. Kwingijisha mashinda atanshi abiji aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya January–March ne Awake! wa January.

Mamini. 15: “Ingijishainga Bulongo Kimye Kyenu mu Mwingilo.”a Ipuzhai mulongo utundaika bantu pa kutangijila kupwila kwa kuya mu mwingilo wa mu bujimi. Unengezha byepi kuba’mba akatundaike bantu pa kutangijila kupwila kwa kuya mu busapwishi ne kwingijisha bulongo kimye mu mwingilo?

Mamini. 20: “Byambo Byenu Bikale . . . Byalungwa na Mukele.”b Pa kwisamba palagalafu 2, tangai Yoano 4:7-15, 39.

Lwimbo 85

Mulungu wa Kutendeka January 21

Lwimbo 215

Mamini. 10: Bya kubijika bya pa kipwilo. Tongolai mabuku a kusha mu February ne kumweshapo kimwesho kimo. Tundaikai bonse kutambila jimo vidyo ya Transfusion-Alternative Health Care—Meeting Patient Needs and Rights kwinengezha ku mwisambo ukekalako pa Kupwila kwa Mwingilo mu mulungu wa February 4. Umvwe ino vidyo mufwayo, bujilai jimo basapwishi kupituluka mu buku wa Nanchi Baibolo Kine Ufunjisha’mba Ka? peja 128-133, palagalafu 10-19.

Mamini. 10: Nanchi mubena kwingijisha kabuku ka Kubalaulabalaula mu Binembelo pa Juba pa Juba nyi? Jashi ne kwisamba na luonde kufuma mu byambo bitanshi mu kabuku ka Kubalaulabalaula mu Binembelo pa Juba pa Juba—2008. Ambai pa buneme bwa kwikalangako na kimye moba onse kya kutanganga Kinembelo kya jojo juba ne byambo bijipo. Ambilai luonde lwambepo kimye kyo batanchika kubalawilamo binembelo ne mfweto yo bamwenamo. Mwakonsha kubujila jimo musapwishi umo nangwa babiji ba kwambapo. Ambaiko pacheche pa kinembelo kya mwaka wa 2008.

Mamini. 25: “Sapwilai Mambo Awama.”c (Pala. 1-10) Jambiwe na mukulumpe utangijila mwingilo. Ipuzhaipo musapwishi umo nangwa babiji baingijileko bupainiya bwa kukwasha mwaka wapwa nangwa kya kuba bajinga na mingilo yavula nangwa babelele belelenga. Bakonsheshe byepi kwingilako? Lusekelo ka lo bamwenejilemo? Pa kwisamba palagalafu 7, tongolai mutanchi wa kupwila kwa kuya mu mwingilo wa mu bujimi mu bañondo ba March, April ne May.

Lwimbo 177

Mulungu wa Kutendeka January 28

Lwimbo 52

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa January. Tangai sawakya wa mali ne sitetimenti ya kuyukanyikisha’mba mibingu yenu yafikile. Mwisambo wa na luonde kufuma mu Kyamba kya Usopa kya January–March ne Awake! wa February. Panyuma ya kwambako pacheche pa magazini onse abiji, ipuzhai ba mu luonde batongolepo bibaba bimo byo bakonsha kutemwa bantu mu nyaunda kabiji ne ene mambo o bakonsha kwibitemenwa. Bambilai bambepo bishinka bimo biji mu bibaba byo bakeba kukamwesha bantu pa kusha ano magazini. Bwipuzho ka bwakonsha kwipuzhiwa kutendekelamo mwisambo? Kinembelo ka kyakonsha kutangiwa kiji mu kyokyo kibaba? Nga kyo kinembelo kyakonsha kukwatankanyiwa byepi na kyokyo kibaba? Kwingijisha mashinda apelako abiji aji pa peja 8, mweshai bya kusha ano magazini imo imo.

Mamini. 20: “Sapwilai Mambo Awama.”d (Pala. 11-17) Pa kwisamba palagalafu 14, pai luonde bipepala biikajila bya kwichilapo bantu ku Kivuluko umvwe pobiji. Lumbululai lunengezho lo mwanengezha lwa kukapainamo bino bipepala mu nyaunda yenu.

Mamini. 15: “Kwashainga bo Mufunjisha Baibolo Kwikala Basapwishi ba Mambo Awama a Bufumu.”e Umvwe kimye ko kiji, ambilai luonde kwambapo pa binembelo byamweshiwa.

Lwimbo 22

Mulungu wa Kutendeka February 4

Lwimbo 161

Mamini. 10: Bya kubijika bya pa kipwilo. Isambai pa Kabokoshi ka Mepuzho.

Mamini. 10: Bibena kukebewa pa kipwilo.

Mamini. 25: “Nanchi Mukyangye Kunemba Kikachi Kyenu kya Mashi Nyi?” Jambiwe na mukulumpe mu kipwilo. Tendekaitu kwisamba na luonde pa vidyo ya Patient Needs and Rights kwingijisha mepuzho anembwa mu kibaba. Pa kupezhako tangai palagalafu yapelako ne kutundaika bonse kukatangamo mu bibaba bya mweshiwa biji mu Kyamba kya Usopa ne mu Mwingilo Wetu wa Bufumu. Londololai byafwainwa kuba bonse pa muntu pa muntu aba bakyangye kunemba kikachi kyabo byo bakonsha kwingijisha kya mukachi kya mu Mwingilo Wetu wa Bufumu wa November 2006 kwifuukwila abo bene pa mambo a tubibese twa mashi ne michi apa bino ne kunemba byobyo byo bafuukula pa kikachi kya DPA. Aba bonse banembele kala kino kikachi kya DPA bakonsha kupitulukamo jikwabo mu byo bafuukwile, umvwe kibena kukebewa bafwainwa kunemba kikachi kikwabo kya katataka. Umvwe vidyo mufwayo, bulai basapwishi kukatangila jimo mu buku wa Nanchi Baibolo Kine Ufunjisha’mba Ka? peja 128-133, palagalafu 10-19.

Lwimbo 4

[Tubyambo twa mushi]