Mutanchi Wa Kupwila Kwa Mwingilo

Mulungu wa Kutendeka March 10

Lwimbo 131

Mamini. 10: Bya kubijika bya pa kipwilo. Kwingijisha mashinda atanshi abiji aji pa peja 4 nangwa akwabo afwainwa mu nyaunda yenu, mweshai bya kusha Kyamba kya Usopa kya January–March ne Awake! wa March pamo na bipepala bya kwichilapo bantu ku Kivuluko.

Mamini. 20: Tutwala Mambo Awama a Lusekelo. Panyuma ya kwambapo byambo bitanshi bya kubula kupitaila pa miniti umo, mukulumpe mu kipwilo ambe jashi kufuma mu Kyamba kya Usopa kya July 1, 2005, peja 24-25, palagalafu 10-14. Ambilai luonde lwambepo mambo a Bufumu byo ebatekeneshe ne kwibapa luketekelo kimye kitanshi kyo beomvwine.

Mamini. 15: “Atweba Bonse Tuji na Byo Twakonsha Kupa Yehoba.”a Umvwe kimye ko kiji, ambilai luonde kwambapo pa binembelo byamweshiwa.

Lwimbo 8

Mulungu wa Kutendeka March 17

Lwimbo 144

Mamini. 10: Bya kubijika bya pa kipwilo. Vululaiko luonde kukeya na Kyamba kya Usopa kya January–March ne Awake! wa April ku Kupwila kwa Mwingilo mulungu ubena kwiya, kabiji ne kwinengezha kukesamba pa mashinda a kwambilamo na bantu afwainwa mu nyaunda yenu. Bya kubijika byo mwasalulula mu Mwingilo Wetu wa Bufumu.

Mamini. 15: Kabokoshi ka Mepuzho. Jambiwe na mukulumpe mu kipwilo. Tangai kibaba kyonse ne kwisambapo.

Mamini. 20: “Twakonsha Kukwasha Byepi Bantu Batanwa ku Kivuluko?”b Pa kwisamba palagalafu 5, ubaiko ka kimwesho kepi ka bya kutendeka lufunjisho lwa Baibolo na mwenyi watainwe ku Kivuluko.

Lwimbo 214

Mulungu wa Kutendeka March 24

Lwimbo 159

Yukai’mba: Kechi mwafwainwa kwisamba mabulañano a kupwila kwa nkambi mulungu wa March 24 saka akyangye kufika ne. Bipwilo kechi byafwainwa kupwijila jimo Kupwila kwa Mwingilo kwa mu mulungu wa March 24 ne, kanatu kya kuba mukulumpe wa kijiiji ukafwakesha kipwilo. Umvwe kwabula kwikala Kupwila kwa Mwingilo na mambo a kupwila kwa kijiiji mu yewo mulungu, bakulumpe ba lufunjisho lwa buku bafwainwa kubijika mpunzha kukekela kupwila kwa nkambi ne moba a kupwila pa lufunjisho lwabo lwa buku.

Mamini. 10: Bya kubijika bya pa kipwilo. Tangai sawakya wa mali ne sitetimenti ya kuyukanyikisha’mba mibingu yenu yafikile.

Mamini. 15: Kwinengezha Kukasha Magazini a Bukumo. Kwisamba na luonde kufuma mu Kyamba kya Usopa kya January–March ne Awake! wa April. Panyuma ya kwisambapo pa magazini onse, ipuzhai luonde lwambepo pa bibaba byo bamona’mba bantu bakonsha kwibitemwa bingi mu nyaunda, kabiji ne ene mambo o bakonsha kwibitemenwa. Bambilai batongolepo bishinka bimo biji mu bino bibaba byo bakeba kukambapo. Mepuzho ka o bakonsha kushikisha kutendekelamo mwisambo? Kinembelo ka kiji mu kyokyo kibaba kyo bakeba kukatanga? Kwingijisha mashinda afwainwa mu nyaunda yenu, mweshai bya kusha Kyamba kya Usopa kya January–March ne Awake! wa April.

Mamini. 20: “Kupwila kwa Nkambi kwa Bakamonyi ba kwa Yehoba kwa mu 2008 kwa ‘Tangijilwainga na Mupashi wa Lesa.’”c Jambiwe na munembeshi mu kipwilo. Saka mukyangye kwisamba pa kya mukachi, tangai nkalata ya CO March 20, 2008, ya kupwila kwa nkambi. Basanchilai bonse pa kwinengezha kukatanwa ku kupwila kwa nkambi.

Lwimbo 29

Mulungu wa Kutendeka March 31

Lwimbo 37

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa March.

Mamini. 20: “Nkalata kufuma ku Jibumba Jitangijila.” Jashi ne kwisamba na luonde. Ambilai basapwishi babiji nangwa basatu bashimikizhepo byamwekele biji mu 2008 Yearbook, kikatakata abya bibakoseshe bingi. Bujilai jimo musapwishi umo nangwa babiji kukambapo pa byo banengezha mutanchi wabo wa kutanga Yearbook. Pezhaiko na byambo bya kutundaika bonse kutanga uno buku yense.

Mamini. 15: “Ikomeshainga Anwe Bene na Bene Kimye kyo Muji mu Mwingilo”d

Lwimbo 122

Mulungu wa Kutendeka April 7

Lwimbo 186

Mamini. 10: Bya kubijika bya pa kipwilo.

Mamini. 20: Ki ka Kimukanya Kubula Kubatizwa? Jashi na mukulumpe mu kipwilo kufuma mu Kyamba kya Usopa kya July 1, 2006, peja 29-30, palagalafu 14-17. Ipuzhaipo musapwishi umo nangwa babiji babatizwe saka bakiji bacheche. Ki ka kibalengejile kuba kino kintu kyanema saka bakiji banyike? Nga lubatizhilo lwabo lwibakwashishe byepi kukoma ku mupashi kabiji ne kwibazhikijila?

Mamini. 15: Nanchi Mwakyesekapo Kwingijisha Ñambilo ya Kubula Kuzhobakana Nyi? Jashi ne kwisamba na luonde kufuma mu kya mukachi kya mu Mwingilo Wetu wa Bufumu wa January 2002, peja 6. Isambai pa mashinda amweshiwa kabiji ne byo akonsha kwalulwa kutendekelamo mafunjisho a Baibolo mu buku wa Baibolo Ufunjisha, apa bino mubepo kimwesho kimo nangwa bibiji. Tundaikai luonde kukesekapotu nangwa jimo mulungu wiya kutendeka lufunjisho lwa Baibolo mu buku wa Baibolo Ufunjisha kwingijisha ñambilo ya kubula kuzhobakana.

Lwimbo 225

[Tubyambo twa mushi]