Vidyo wa Young People Ask—What Will I Do With My Life? (Lubaji 1)
Bakyanyike pa kuba’mba bakome bulongo, bafwainwa kufuukulapo kuba bintu byanema. Pa kuba’mba bafuukule bulongo, vidyo wa Young People Ask—What Will I Do With My Life? wanengezhiwa. Pa kutendeka kutamba uno vidyo salai po banemba’mba Play Drama, panyuma ya kutamba, kumbulai mepuzho aji mu jifuka 2. Umvwe mwapwisha kuba bino, yai po banemba’mba Interviews pa mutanchi wa biji mu vidyo, apa bino muye po banemba amba Looking Back, ne kukumbula mepuzho aji mu jifuka 3.
Kifwanyikizho: (1) Bintu byapichilengamo Timoti bipasha byepi na bibena kupitamo bena Kilishitu ba kyanyike lelo jino? (2) Kisela kya kunyema lubilo kyalengejile Andre kuba byepi? (3) Mulongo Fleissig wa wamubujilepo amba ka Andre pa (a) kwipana kwingijila Yehoba ne makayo? (Mat. 6:24) (b) nsulo ya lusekelo lwa kine? (c) muchiba wanji wa mu kampu wa lumanamo? (d) bantu boajinga nabo pa kipikichala ne mukazhanji? (e) kuleka bintu byoatemenwe kana wilangulwishenga nyi? (Fili. 3:8) (4) Bankambo yanji babakazhi Andre bakumbwile byepi bwipuzho boaipwizhe bwa kuba’mba, “Nanchi kyatama amiwa kwikala shenyenye mu kunyema lubilo nyi?” (Luka 4:5-7) (5) Nanchi kushinda mu kunyema lubilo kwalengejile Andre kwikala na lusekelo lwa kine nyi? (6) Nga anweba bunke bwenu mwamwenamo byepi mu nkalata ya kupelako ya Mulongo Fleissig yoanembejile Andre? (Mana 10:22) (7) Kintu ka Mulongo Fleissig kyo akwashishe Andre kuyuka?
Looking Back: (8) Bikonkwanyi ka balongo ne banyenga byo bebikijile kabiji mambo ka? (9) Bintu ka byafuminemo mu kwibikila bino bikonkwanyi? (10) Ki ka kibalengejile bonse pa muntu pa muntu kupimpula bikonkwanyi byabo? (2 Ko. 5:15) (11) Bikonkwanyi ka bya ku mupashi byapingakene pa bikonkwanyi byabo byakala kabiji ki ka kibalengejile kulanguluka amba konsha bebikila bikonkwanyi bibiji ne? (12) Nanchi kibakolele ku muchima pa kuleka bikonkwanyi byabo byakala nyi? (13) Byambo ka byo baambile bimulengela anweba bunke bwenu kulangulukapo byo mwakonsha kuba mu bwikalo bwenu?
Twimutundaika kutamba lubaji lwa bubiji mu Kupwila kwa Mwingilo kwa mulungu walondelapo, pa kuba’mba mukakumbulepo.