Nanchi Kimye Kyonse Mutala pa Kipabi kya Mabulañano nyi?

Bakulumpe, bankwasho ne bonse bapewa mingilo mu kipwilo bafwainwa kimye kyonse kutalanga pa kipabi kya mabulañano pa kuba’mba bayuke umvwe baji na jashi nangwa mingilo ikwabo mu kipwilo. Nangwa byonkabyo, bonse mu kipwilo bafwainwa kutana byambo byanema pa kipabi kya mabulañano. Nanchi mwayuka kimye kyo muka wamisha mu Nzubo ya Bufumu nyi? Nanchi kalama wa mwanzo nangwa ofweshi wa musampi watuma makalata ku kipwilo kyenu nyi? Nanchi mwayuka mutwe wa jashi ja mvula bantu ja uno mulungu pa kuba’mba muketeko bo mufunjisha Baibolo nyi? Nanchi mutanchi wa kupwila nangwa wa kuya mu mwingilo mu jibumba jenu wapimpulwa nyi? Luno kechi kwikala bya kubiji byavula kimye kya kupwila ne, kabiji kechi kyapela bakulumpe kubuula basapwishi bonse ne. O ene mambo, o twafwainwa kimye kyonse kutalanga pa kipabi kya mabulañano. Umvwe kimye kyonse saka tuba bino bintu byonse ‘bikobiwanga na mushingi ne mo byalondankena.’—1 Ko. 14:40.