Mashinda a Kwisambilamo

Kutatula Mafunjisho a Baibolo pa Kibelushi Kitanshi mu May

“Atweba bonse tuba bilubo. Nanchi mulanguluka’mba Lesa wakonsha kulekelako bantu mambo akatampe nyi?” [Lekai akumbule.] Mumweshai mutwe uji pa jipa 15 mu Kyamba kya Usopa kya May 1 ne kwisamba bwipuzho butanshi ne kutanga kinembelo kimo. Mupai Kyamba ne kumulaya kimye kyo mukabwelako na kwisamba bwipuzho bwalondelapo.

Kyamba kya Usopa May 1

“Mulangulukapo amba ka pa bibye byambo. [Tangai 1 Yoano 4:8.] Bantu bavula betaba, pano bino bakwabo balanguluka’mba Lesa wakanama pa kuswisha bintu byatama kubiwa. Nanchi anweba mulangulukapo amba ka? [Lekai akumbule.] Kino Kyamba kyaamba pa bishinka byakonsha kwitukwasha kubula kupamo Lesa mambo, kuba’mba wakana.”

Labainga! March ne April

“Lelo jino bantu bavula batemwa kuvilukila ku byalo bikwabo na mambo a kukeba kwikala bulongo. Nanchi mulanguluka’mba bekala bulongo nyi? [Lekai akumbule.] Kuviluka kwatendekele kala. Akiumvwai Baibolo byo aambapo pa bantu bamo bavilukile. [Tangai Ntendekelo 46:5, 6.] Uno Kyamba wakumbula ano mepuzho.” Mweshai muntu ye mu bena kwisamba nanji mepuzho aji pa jipa 6.