Kuwamishako Busendwe Bwetu Bwa Kusapwila—Kusapwila Kwingijisha Kamela Nangwa Intercom

ENE MAMBO O KWANEMENA: Kuyilako palutwe mu bya kulengalenga ne kuvujilako kwa bumbanzhi kwalengela bantu kutendeka kubika makamela ne intercom pa mazubo abo pa kuba’mba bezhikijile. Twakonsha kumvwa moyo kusapwila muntu ye tubena kubula kumona, bino aye saka abena kwitumona. Bishinka byalondelapo bisakwitukwasha kuyuka bya kusapwila bantu kwingijisha kamela nangwa intercom kwa kubula moyo.

BYA KUBA:

• Kuba moyo ne. Bena mazubo bavula baji na makamela nangwa intercom bakonsha kuswa kwisamba nabo

• Vulukainga kuba’mba makamela amo atendeka kukopa saka mukyangyetu ne kufika pa kinzhilo na kukonkonsha. Kabiji mwina nzubo wakonsha kwimumona saka mukijitu kwalepa ne kuteleka byo mubena kwamba

• Umvwe mwina nzubo wakumbula, isambai nanji pa intercom nangwa pa kamela nobe muji nanji. Mwemweselainga ne kwingijisha maboko bulongo. Isambai nanji byonka byo mwakonsha kwisamba nanji inge walupuka mu nzubo. Inge pa kibelo paji kamela, kange mushishike kilungi pa kamela ne. Inge mwina nzubo wabula kukumbula, kechi mwafwainwa kusha byambo ne

• Inge mwapwisha kwisamba nanji, mwafwainwa kujimuka bingi pa byo mubena kwisamba mambo mwina nzubo wakonsha kutwajijila na kwimumona mu kamela ne kuteleka ku byo mubena kwamba