BYAFWAINWA KWIKALA BENA KILISHITU
Byo Mwafwainwa Kubula Kuba Inge Mwaimana pa Kibelo kya Muntu mu Mwingilo wa Kusapwila
Atweba bena Kilishitu twi “bantu bo babena kutala ku ba pano pa ntanda.” (1Ko 4:9) Bantu bamo inge tubena kusapwila betusumbila saka baji mu mazubo nangwa kuteleka ku byo tubena kwamba saka baji mu nzubo. Pa mazubo amo babikapo makamela ne maikolofoni kuba’mba mwina nzubo emumonenga ne kumvwa byo mubena kwamba nangwa kukopa mawi. Bino ke bintu bimo byo mwafwainwa kubula kuba inge mwaimana pa kibelo kya muntu.—2Ko 6:3.
BYO MWAFWAINWA KUBULA KUBA (Fp 1:27):
Kechi mwafwainwa kusumbila mu nzubo ya muntu ne. Kino kimwesha’mba mwamunemeka. Kabiji kechi mwafwainwa kujanga kajo, kutoma, kutuma foni nangwa kwitumina byambo pa foni saka mwaimana pa kibelo kya muntu ne
BYO MWAFWAINWA KUBULA KWAMBA (Ef 4:29):
Inge mwaimana pa kibelo kya muntu, kechi mwafwinwa kwamba byambo byo mubula kukeba mwina nzubo kumvwa ne. Basapwishi bamo baleka kwisamba pa kuba’mba balangulukenga pa byo basakwamba na mwina nzubo