Kulenga Bipikichala Kukwasha Kuvuluka byo Mwafunda

Kampe kimukatazha bingi kuvuluka bintu byo mwafunda byonka byo kiji kwi atweba bonse. Pano bino, tuvuluka bintu byavula bitufunjishe Yesu mambo javula waingijishanga bishimpi. Twakonsha kufwanyikizha bintu byafunjishe Yesu kabiji kuba bino kwitukwasha kuvuluka byo afunjishe. Ne anweba mwakonsha kumwenamo bingi inge kemufwanyikizhe byo mubena kutanga. Pano mwakonsha kuba byepi bino? Mwakonsha kuba bino inge kemufwanyikizhe kimye kyo mubena kufunda.

Bantu balenga bipikichala pa bintu bya katataka byo bafunda, javula bebivuluka. Kulenga bipikichala kechi kwibakwashatu kuvuluka byambo ne, bino kwibakwasha kuvuluka ne bishinka bikatampe byo bafunda. Kabiji balenga bipikichala byapelatu bya kushabula, kechi byakobankana ne. Kabiji bishinka bimwesha kuba’mba kulenga bipikichala kukwasha bingi bakikulumpe kuvuluka bintu byo babena kufunda.

Kimye kikwabo kyo mukafundanga Baibolo, mukalenge bipikichala pa bintu byo mubena kufunda. Kwakubula nangwa kuzhinaukatu ne, kuba bino kukemukwasha kuvuluka bintu byo mubena kufunda.