BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
  • g 5/14 pp. 11-12
  • Mipolo, Kintu kya Kukumya Bingi

Vidyo ufwamo.

Yakana kushinkuka.

  • Mipolo, Kintu kya Kukumya Bingi
  • Labainga!—2014
  • Byambo Bipashako
  • Bintu byo Twakonsha Kufunjilako ku Mipolo ya kwa Yesu
    Kyamba kya Usopa Kibena Kubijika Bufumu bwa Yehoba (Kya Kufundamo)—2022
  • Yehoba Umvwa Kujila Kwenu Kabiji Wimuta Muchima
    Kyamba kya Usopa Kibena Kubijika Bufumu bwa Yehoba (Kya Kufundamo)—2024
  • “Tala! Mbena Kwalula Bintu Byonse Kwikala ke Bipya”
    Kyamba kya Usopa—2013
  • Mepuzho Afuma ku Batanga
    Kyamba kya Usopa—2013
Monai Bikwabo
Labainga!—2014
g 5/14 pp. 11-12

Mipolo, Kintu kya Kukumya Bingi

TUTENDEKA kujila aku tusemwatu. Shayuka umo waamba kuba’mba ku baana ba pa maboko, kujila jo jishinda jo babulañenamo biji ku muchima wabo byo bakankalwa kwamba, mambo bajila inge bakeba amba bebobilepo bimo nangwa bebapepo byo babena kukeba. Pano mambo ka o tujijila inge twakoma, saka tuji na mashinda a kwambilamo byo tubena kukeba?

Kuji bintu byapusana pusana bitulengela kujila. Bimo bilengela ke bulanda, kulefulwa, nangwa na mambo a makatazho a mu bwikalo. Bino kwikala na lusekelo lukatampe, kukasuluka mu milanguluko, kubikapotu ne kushinda makatazho akatampe mu bwikalo nabyo byakonsha kulengela muntu kujila mipolo, ko kuba’mba mipolo ya lusekelo. Muntu inge ke ajile wakonsha kulengela ne bantu bakwabo kutendeka kujila. María waambile’mba: “Inge namona muntu ubena kujila, nangwa kya kuba kechi nayuka kyalengela ne, ne amiwa ntendeka kujila.” Kampetu ne bintu bya kufwanyikizha byo bamwesha mu mafilimu nangwa mu mabuku nabyo byakimulengelapo kala kujila.

Kujila ke jishinda ja kwambilamo biji mu muchima wetu byo tubula kwamba. Buku wa kuba’mba Adult Crying walumbulula’mba: “Kafwako mashinda akwabo avula akwambilamo biji ku muchima mu kakimyetu kacheche ne.” Mipolo ilengela bantu kubapo kimo. Kya kumwenako, atweba bavula tukankalwa kulubakotu inge twamona muntu ubena kujila, mambo mipolo yanji itulengela kuyuka’mba ubena kumanama. Na mambo a kino, tweseka kutekenesha nangwa kukwasha yeo muntu ubena kujila.

Bashayuka bamo batana kuba’mba kujila kwitukwasha kukepeshako bulanda bwetu kabiji kwikanya kujila kwakonsha konauna butuntulu bwa mubiji. Bakwabo nabo bamba kuba’mba ba shayuka ba bya sayansi bakyangye kushiinwa pa buwame buji mu kujila mipolo. Nangwa byonkabyo, kupesa pesa kwaubiwa kwamwesha kuba’mba banabalume bamo ne banabakazhi bavula bingi baambile’mba bomvwako bulongo panyuma ya kujila. Noemí waambile’mba: “Bimye bimo, ngyuka kuba’mba nafwainwatu kujila. Panyuma ya byobyo, ngikizha kyefu ne kulanguluka pa lukatazho ne kumona bintu mu jishinda jafwainwa.”

Bino kukasuluka mu milanguluko kechi kwaimenatu pa kujila konka ne. Jishinda jitutekenesheshamo bakwetu najo jitukwasha bingi. Kya kumwenako, inge mipolo yetu yalengela bakwetu kwiya na kwitutekenesha nangwa kwitukwasha, tukasuluka. Bino inge bakwetu babula kwiya na kwitutekenesha, tumvwa bumvu nangwa kumvwa nobe betulengulula.

Kine, kuji byavula byo twabula kuyuka pa kujila. Kyo twayukako ke kya kuba’mba kujila mipolo ke bupe bwawama bwitupa Lesa bwa kubulañenamo biji ku muchima wetu.

[Mabulañano pa peja 11]

Kupesa pesa kwaubiwa kwamwesha kuba’mba banabalume bamo ne banabakazhi bavula bingi baambile’mba bomvwako bulongo panyuma ya kujila

[Kitenguluzha pa peja 12]

NANCHI MWAYUKA NYI? Baana banenda kechi baponesha mipolo pa kujila ne. Mu meso abo mwikela jimo mwazoba, kabiji kuno kuzoba kuzhikijila meso abo. Bino, mipolo itendeka kwiya inge papita milungu yavula, kimye tumikotakota tucheche mupita mipolo kyo tulengwa.

[Kitenguluzha pa peja 12]

Mitundu Isatu ya Mipolo

Mipolo Inekenesha mu Meso. Maselo a mu mubiji afumya ino mipolo pa kuba’mba ikwashe kuzhikijila ne kunekenesha meso etu. Ino mipolo ikwashako ne meso kumona bulongo. Inge twakapa, ino mipolo ikumbana mu meso monse.

Mipolo iya Inge mu Jiso Mwatwela Kintu. Tulakasha ino mipolo inge mu meso mwatwela kintu. Kabiji ino yo mipolo iyula mu meso inge twaaula mwau nangwa kuseka bingi.

Mipolo iya na Mambo a Lusekelo Nangwa Bulanda. Ino yo mipolo yo tujila inge tuji na bulanda nangwa lusekelo lukatampe. Kabiji yo mipolo itupusanyako ku banyama. Mu ino mipolo muji bujo bukomesha mubiji (butelwa’mba protein) bwavula kukila buji mu mipolo ikwabo.

    Mabuku a mu Kikaonde (1992-2025)
    Shinkai
    Shinkulai
    • Kikaonde
    • Tuminaiko Bakwenu
    • Byo Mukeba
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Shinkulai
    Tuminaiko Bakwenu