Bisela bya Bangiliki ne Bena Loma Byatwela mu Bayudea

KUBAYA kwa Bufumu bwa Bangiliki kwatendekejile ku mitumba ya Makedonya. Mfumu wabo Alekesanda saka aji na myaka ya kusemwa 20, watendekele kulanguluka bya kulukuka ne kushinda byalo bya ku musela. Mu 334 B.C.E., watangijiile bashilikale banji kupita pa Helosimponti (Dadineuzi), mpunzha ya abanya Europe ne Asha. Nobe “kisumpa”, Bangiliki batangijilwenga ne Alekesanda batendekele kushinda bingi kwakubula kutaya nangwa kimyetu ne. (Da 7:6) Alekesanda walwile na bena Pelisha kwipi na Tulayi mu misanza ya Mukola wa Gilanikasi, kabiji wibashinjile kyatama bingi mu muzhi wa Isasi.

Bangiliki balukukile Silya ne Fenesya bashinda ne Tila panyuma ya kulukuka muzhi pa bañondo batanu na babiji. (Ezi 26:4, 12) Alekesanda washile Yelusalema waya ne na kushinda Gaza. (Zek 9:5) Byo aikele mu Ijipita, watungile muzhi wa Alekesandiliya, waikele ke muzhi mukatampe wa busulu kabiji ne kufunjilamo sukulu ya bya butemwamaana ne mafunjishotu akwabo. Wabwelele wakilañanya Ntanda ya Mulaye jibiji ne kuya na kushinda bena Pelisha mu Gaugamila kwipi na muzhi wa Ninevwa waonawinwe.

Pano Alekesanda waalulukijile ku kabeta ka ku bulenge na kushinda Babilona ne mizhi ya lutangijilo ya bena Pelisha, Shushani (Susa) ne Pesepolasi. Bukiji bukiji wapichile mu kyalo kya bena Pelisha ne kufika ku mukola wa Indus mu kyalo kibena kutelwa luno amba Pakistan. Mu myakatu itanu na isatu, Alekesanda washinjile byalo byaile nkuwa byajingako kyokya kimye byoayukile. Bino byoafikizhe myaka ya kusemwa 32 mu 323 B.C.E.,wakolelwe malelya ne kufwa wafwile mu Babilona.—Da 8:8.

Bisela bya Bangiliki byatwelele bingi mu Ntanda ya Mulaye. Bantu bamo bajinga bashilikale ba kwa Alekesanda baikele monka. Kabiji byo kyaubilenga amba myaka kitota kitanshi ifikenga, mwane kwaikele ne mizhi ya Bangiliki jikumi (Ndekapoli). (Mt 4:25; Mk 7:31) Binembelo bya Kihebelu byaishile kwikalako mu Kingiliki. Mulaka wa Koine (Kingiliki kyapela) ye wajinga mulaka wasampanyiwemo mafunjisho a bwina Kilishitu mu byalo.

Bufumu bwa Bena Loma

Nga kumuzhika kyajinga byepi? Kyalo kya Loma kyajingatu na kimasamasa kya mizhi ku mukola wa Taiba, kyaikele ke kyalo kyanema bingi. Mu kuya kwa moba, mazhita a nkondo a bena Loma ne bumulwila ntanda bwabo ashinjile mapunzha ajinga mu bukalama bwa babinemanga bana bakwa Alekasanda. Kufika nobe mu 30 B.C.E., Bufumu bwa bena Loma bwaikele na ngovu ikatampe, kimye kya kumweka kwabo kutanshi kwa yewa ‘kijanyi wakatazha ulenga moyo’ ye bamwene kwi Danyela mu kimwesho.—Da 7:7.

Bufumu bwa bena Loma bwabaile kufuma ku Britain kufika ku kabeta ka ku Buyeke bwa Africa ne kufuma ku Kalunga ka Atlantic kukafika ne ku Mweezhi wa Pelisha. Na mambo akuba’mba buno bufumu bwazhokolokele Meditelanya, bena Loma baitanga kano kalunga amba Mare Nostrum (Kyalumbulwilenga’mba Kalunga ketu).

Bayudea nabo baikele mu bukalama bwa bena Loma mambo ntanda yabo yaikele mu maboko a Bufumu bwa bena Loma. (Mt 8:5-13; Byu 10:1, 2) Yesu wabatizwe ne kufwa mu kimye kya bukalama bwa kwa Tibeliusa Mfumu mukatampe. Bandamakyalo ba bena Loma bamo bamanyikilenga bingi bena Kilishitu kwa kubula lusa, bino kechi bapwishishe mpopwelo ya kine ne. Byo papichile myaka 1300, buno bufumu bebulukukile ku mikoka ya bena Germany ku kabeta ka ku buyeke ne bantutu benda kyende ende na kukeba bakushinda, nabo balukukijile ku musela.

[Mapu pa paja 26]

(Umvwe mukeba bine byambo, monai mu buku)

Bufumu bwa Bangiliki

Kufuma Alekasanda, binemanga byanji bina byo byatendekele kulama bufumu bwabo bukatampe

▪ Cassander

▫ Lysimachus

○ Ptolemy I

• Seleucus I

A2 ▪ GREECE

A2 ▪ Atene

A2 ▪ AKAYA

A3 ○ Kilene

A3 ○ LIBYA

B2 ▫ Bizantyamu

B3 ○ KIPILUSA

B4 ○ No-amonyi (Tibusi)

C3 Paomela (Tadamola)

C3 ○ Gelasa

C3 ○ Filadelifya

C3 ○ Yelusalema

C5 ○ Sayene

G2 • Alekesandiliya Mangiyana

Mwaendelenga Alekasanda

A2 ▪ MAKEDONYA

A2 ▪ Pela

A2 ▫ TILESI

B2 ▫ Tuloyi

B2 ▫ Saladisa

B2 ▫ Efisesa

B2 ▫ Godiyamu

C2 ▫ Ankala

C3 • Talasusa

C3 • Isasi

C3 • Antioka (wa mu Silya)

C3 ○ Tila

C4 ○ Gaza

B4 ○ IJIPITA

B4 ○ Memfisa

B4 ○ Alekesandiliya

A4 ○ Kinkunenke kya mema kya Amonyi

B4 ○ Memfisa

C4 ○ Gaza

C3 ○ Tila

C3 ○ Damasakasa

C3 • Alepo

D3 • Nisibisi

D3 • Gaugamila

D3 • Babilona

E4 • Shushani

E4 • PELISHA

E4 • Pesepolasi

E4 • Pasagadi

E4 • MEDIA

E3 • Ekabatana

E3 • Lagi

E3 • Hekatofilosi

E3 • PALATIYA

G3 • ALYA

G3 • Alekesandiliya Aliyoni

G3 • Alekesandiliya Pulofitasiya

F4 • DILANGIYANA

G4 • ALAKOSIYA

G4 • Alekesandiliya Alakotonyi

H3 • Kaabu

G3 • Dilapusaka

H3 • Alekesandiliya Okisiyana

G3 • Dilapusaka

G3 • BAKITILYA

G3 • Bakitila

G2 • Dabenti

G2 • SOGODIYANA

G2 • Malakanda

G2 • Bukhara

G2 • Malakanda

H2 • Alekesandiliya Esiketi

G2 • Malakanda

G2 • Dabenti

G3 • Bakitila

G3 • BAKITILYA

G3 • Dilapusaka

H3 • Kaabu

H3 • Takisila

H5 • INDIA

H4 • Alekesandiliya

G4 • GEDULOSIYA

F4 • Pula

E4 • PELISHA

F4 • Alekesandiliya

F4 • KAMANYA

E4 • Pasagadi

E4 • Pesepolasi

E4 • Shushani

D3 • Babilona

[Mapunzha akwabo]

A3 KELETA

D4 ALABYA

[Tulunga twa meema]

B3 Kalunga ka Meditelanya

C5 Kalunga Kachila

E4 Mweezhi wa Pelisha

G5 Kalunga ka Alabya

[Mikola]

B4 Nile

D3 Ufelata

D3 Tigris

G4 Indus

[Mapu pa paja 27]

(Umvwe mukeba bine byambo, monai mu buku)

Bufumu bwa bena Loma

A1 BRITAIN

A3 SIPAINA

B1 GERMANIA

B2 GOLU

B2 ITALYA

B2 Loma

B3 Kateji

C3 ILILIKUMA

C3 GREECE

C3 Akishemu

C3 Kilene

D2 Bizantyamu (Konsitantinopo)

D3 ASHA MAINA

D3 Efisesa

D3 Alepo

D3 Antioka (wa mu Silya)

D3 Damasakasa

D3 Gelasa (Jalashi)

D3 Yelusalema

D3 Alekesandiliya

D4 IJIPITA

[Tulunga twa meema]

A2 Kalunga ka Atlantic

C3 Kalunga ka Meditelanya

D2 Kalunga Kafita

D4 Kalunga Kachila

[Kipikichala pa peja 26]

Byo bashimukulwilenga muzhi wa Laba, Ptolemy II wamutumbile jizhina amba Filadelifya. Milumba ya bibumbulu bya nzubo ikatampe ya kukailamo bisela ya bena Loma yakilumbama lumbamatu ne lelo jino

[Kipikichala pa peja 27]

Muzhi wa Ndekapoli wa mu Gelasa (Yaleshi)

[Kipikichala pa peja 27]

Mikwakwa ya bena Loma nabiji uno uji kwipi na Alepo, wapichile mu Europe, ku kabeta ka ku Buyeke bwa Africa, ne ku Middle East. Bena Kilishitu baendelenga mu yonka ino mikwakwa na kusampanya bukine bwa mu Baibolo