“Butemwe Bwa Kilishitu Bo Bwitulengela Kwingila”

Ñanyi kintu kitulengela kulondela Yesu? Mutumwa Paulo wakumbula’mba: “Butemwe bwa Kilishitu bo bwitulengela kwingila.” (2 Kolinda 5:14) Mu kino kipungu tusakufundamo butemwe buji ne Yesu pe Yehoba, ku bantu ne kwi atweba pa muntu pa muntu. Kufunda pe Yesu kine kwitutundaika bingi. Buno butemwe bwitulengela kwibikako ne kuyilako palutwe mu kulondela Yesu.