Kyubilo kya Buwame

1. Buwame bwa kwa Yehoba

Bwitupa lusekelo.

Tata wetu wa mwiulu,

Wawama mu byonsetu.

Witubila lusa lwanji,

Ke twilufwainwa ne;

Ye yenka ye tupopwela

Aye ye twingijila.

2. Twalengwa mba tumupashe

Pa kuba mba twikale

Na byubilo byanji byonse,

Ne kumwesha buwame.

Twayai bonse tumweshe,

Byubilo bya kwa Lesa.

Tulombengatu mupashi,

Tupangenga kipangwa.

3. Balongo bo tuji nabo

Mu lwitabilo lumo,

Twibobilanga byawama,

Bino ne bantu bonse.

Byo tusapwila Bufumu

Ku bantu bo tutana,

Tubule misalululo;

Tumweshenga buwame.