Nanchi Yehoba Umvwa byo Tumulomba Nyi?

Lesa umvwa milombelo yetu. 1 Petelo 3:12

Yehoba ‘umvwa milombelo.’ (Salamo 65:2) Ukeba atweba kumubuula biji mu michima yetu.

Lombaingatu kwi Yehoba kechi ku muntu mukwabo ne.

Twakonsha kulomba bintu byapusana pusana. 1 Yoano 5:14

Lombainga kuba’mba kyaswa muchima wa Lesa kyubiwe pano pa ntanda byonka byo kibena kubiwa mwiulu.

Lombainga kupichila mu jizhina ja Yesu kumwesha’mba mwanemeka bintu byo emubijile.

Mulombainga Yehoba kwimukwasha kuba byawama. Kabiji mwakonsha ne kumulomba bya kuja, nkito, mwa kulaala, bya kuvwala ne bumi bwawama.