LUFUNJISHO 9

Kupopwela Yehoba Pamo na Kisemi Kyenu

‘Popwelainga awa walengele jiulu ne ntanda,’—Lumwekesho 14:7

Byonka byo mwafunda mu uno buloshuwa, mu Baibolo muji mafunde afwainwa kwimukwasha anweba bene ne kisemi kyenu pamo. Inge twatangizhako kumupopwela Lesa mu bwikala bwetu, witulaya’mba “bintu byonse bikemubikilwapo.” (Mateo 6:33) Ukebesha bingi kwikala mulunda nenu. Ingijishainga kimye kyonse kukosesheshamo bulunda bwenu na Lesa. Twatokwa bingi pa kwikala balunda na Lesa.—Mateo 22:37, 38.

1 KONSESHAINGA BULUNDA BWENU NA YEHOBA

Balume ne bakazhi baji mu mwingilo wa kusapwila

BYAMBA BAIBOLO: “‘Kabiji nkekala shenu ne anweba mukekala baana bami babalume ne babakazhi,’ byo byaamba Yehoba”(2 Kolinda 6:18) Lesa ukebesha bingi amba mwikale mulunda nanji wapa Muchima. Jishinda jimo ja kwikelamo mulunda na Lesa ke kulomba kwi aye. Lesa ukeba’mba mu “lombainga kimye kyonse” kwi aye. (1 Tesalonika 5:17) Ukebesha bingi kumubula biji ku muchima wenu. (Filipai 4:6) Kulombela pamo na kisemi kyenu kukebakwasha kuyuka byo mwamutemwa Yehoba.

Kununga pa kwisamba na Lesa, mwafwainwa ne kumuteleka. Mwakonsha kumuteleka umvwe kya kuba saka mutanga Baibolo ne mabuku alumbulula biji mu Baibolo. (Salamo 1:1, 2) Mulanguluke langulukenga pa byo mwafunda. (Salamo 77:11, 12) Kabiji mwakonsha kuteleka kwi Lesa umvwe kya kuba saka mutanwa ku kupwila kwa bena Kilishitu.—Salamo 122: 1-4.

Jishinda jikwabo jikosesha bulunda bwetu na Yehoba ke kwisamba na bakwetu pe aye. Umvwe saka mwisamba na bantu mukafwenya kwipi ne aye.—Mateo 28:19, 20.

BYO MWAKONSHA KUBA:

Tangainga Baibolo kimye kyonse ne kulomba
Bonse pamo na kisemi kyenu saka mutangizhako bintu byakonsha kukosesha kisemi kyenu, kechi bya kisangajimbwe ne kukaya ne

2 IKALAINGA NA KUPOPWELA KWA KISEMI

Nsemi wa mulume ubena kunengezha bya kwisambapo na kisemi kabiji ubena kwiyowa kupopwela kwa kisemi

BYAMBA BAIBOLO:“Fwenyai kwipi ne Lesa, ne aye ukafwenya kwipi ne anweba.” (Yakoba 4:8) Mwikale na mutanchi wa kupopwela kwa kisemi kabiji saka mulondela uno mutanchi. (Ntendekelo 18:19) Mwafwainwa kwikalanga na kupopwela kwa kisemi ne kuvulukanga Lesa kimye kyonse mu bwikalo bwenu. Kwashai kisemi kyenu kukosesha bulunda bwabo na Lesa. Saka mwamba pe aye “pa kwikala mu nzubo yenu, pa kwenda mu jishinda, pa kulaala ne pa kubuuka.” (Mpitulukilo ya mu mizhilo 6:6, 7) Mwikale byonka byajinga Yoshua, waambile’mba: “Pakuba amiwa ne ba mu nzubo yami, tukengijilanga Yehoba.”—Yoshua 24:15.

BYO MWAKONSHA KUBA:

Ikalai na mutanchi wawama wa kufunjisha baana benu ne kuyuka mwana umo umo mafunjisho amufwainwa

Nemi wa mukazhi ubena kutangila kalombwana; kisemi kibena kusombolola bya mu jishimikila ja mu Baibolo; nsemi wa mulume ubena kufunjisha mwananji wa mukazhi