KAKITENGULUZHA MWALUMBULULWA BISHINKA 16B
Kubinza ne Kuba Bulanda, Kubika Tuyukilo ne Kwipaya Babi—Bikobiwa Ñanyi Kimye Kabiji mu Ñanyi Jishinda?
Kimwesho kyamwene Ezikyo kyanembwa mu kitango 9 kikafika ne mu ano moba. Kuyuka bintu bikamweka kulutwe kwitulengela kutengela mpelo ya ino ntanda kwa kubula moyo
‘Kubinza ne kuba bulanda’
KIMYE: Mu moba akupelako, malwa akatampe saka akyangye kutendeka
MU ÑANYI JISHINDA? Bantu bakishinka bamwesha patoka mu byambo ne mu byubilo byabo kuba’mba bashikwa bingi bubi bubena kubiwa mu ino ntanda. Bantu ba uno mutundu batako muchima ku mambo awama abena kusapwilwa, bebikako kwikala na byubilo byajingapo ne Kilishitu, bamwesha patoka kwipana kwabo kwi Yehoba kupichila mu kubatizhiwa kabiji batundaika balongo ba kwa Kilishitu mu bukishinka.
‘Kubika tuyukilo’
KIMYE: Mu kimye kya malwa akatampe
MU ÑANYI JISHINDA? Mwanamulume wajinga na fukuta wa bya kunembako munembeshi wimenako Yesu Kilishitu byo akeya na kuchibila mambo bisaka byonse bya bantu. Jibumba jikatampe bakebabingisha nangwa’mba bakebabika tuyukilo twa kumwesha’mba baji nobe mikooko, kabiji bo bakapuluka pa Amagedonyi
‘Kwipaya babi’
KIMYE: Pa Amagedonyi
MU ÑANYI JISHINDA? Yesu Kilishitu ne nzhita yanji ya mwiulu, mukekala ba 144,000 bo akalamanga nabo, ukeya na kufumyapo buno bwikalo bwatama ne kutwezha bapopweshi ba kine mu ntanda ipya