“Kimye Kyatongolwa” Kyafwenya Kala Pepi
BAANA BA BWANGA ba kwa Yesu batonganga bingi kupwa kwa makatazho nobe ngauzhi Habakuka. Byo bayukile amba Bufumu bwa Lesa bukapwisha makatazho panopantanda, bamwipwizhe Yesu amba: “Betubule, bino bikamweka ñanyi mwaka? Kabiji kiyukilo kya kwikalapo kwenu [pa Bufumu], ne kya mpelo ya buno bwikalo i ki ka?” (Mateo 24:3, NW) Yesu wibakumbwile’mba Yehoba Lesa ye wayuka kimye Bufumu kyo bukatendeka kulama ino ntanda. (Mateo 24:36; Mako 13:32) Nangwa byonkabyo, Yesu ne bakwabo baambijile jimo bikamwesha’mba kimye kyafwenya kala pepi.—Monai Kakitenguluzha ku kilujo.
Nanchi kechi mwaswa kuba’mba bino bintu byasampukila ne pa katele lelo jino nenyi? Kabiji Yesu waambijile jimo ne pa mwingilo wa kufunjisha wa ntanda yonse. Waambile’mba: “Ano mambo awama a bufumu akasapwilwa panopantanda ponse mwa kwibashimwina ba mu mikoka yonse ya bantu; bino ke ku mpelo.”—Mateo 24:14.
Kino kibena kumweka ano moba. Bakamonyi ba kwa Yehoba bo babena kwingila uno mwingilo. Mu byalo 236, Bakamonyi kukila pa mamilyoni atanu na abiji babena kubula bantu bikoba Bufumu, kabiji babena kwibakwasha kwikela mwayila mafunde aoloka a Lesa yenka ukapwisha makatazho ne misongo. Twajijilai kufunda pa Bufumu bwa Lesa pa kuba’mba mwikale na luketekelo lwa kukekala myaka ne myaka mu ntanda mukabula makatazho.
[Kitenguluzha pa peja 15]
Binembelo Byaamba pa Moba Apelako
• Makondo akatampe
• Bitentanshi bikatampe
• Bipowe bya nzala
• Myalo
• Kuvula kwa bubi
• Butemwe bwaya na kukepa
• Konauna ntanda
• Kutemwa mali
• Kulengulula bebasema
• Ba kwitemwa abo bene
• Ba kubula muchima wa bumuntu
• Ba kubula kupwanañana
• Ba kubula kwilama
• Ba kubula kutemwa byawama
• Ba kutemwa bya lusangajiko ne kutemwa Lesa ne
• Kuvula kwa bakamfutumfutubebepekezha kwikala bena Kilishitu
• Kuvula kwa bangauzhi ba bubela
• Kushikwa bena Kilishitu bakine
• Bantu kubula kuyuka lujimuno luji mu Baibolo
[Kipikichala pa peja 15]
Bakamonyi ba kwa Yehoba bafunjisha bantu pa Bufumu bwa Lesa panopantanda ponse