MEPUZHO AKUMBULWA MU BAIBOLO

Mambo ka bantu bavula o bakebela kuyuka inge Mulenga koaji?

Pa myaka 3,000 yapitapo, nyimbi wanembele’mba: “Nalengelwe mu jishinda ja kukumya.” (Salamo 139:14) Umvwe mwalanguluka pa mwana byo akoma kufuma ku kajiselo kacheche, nanchi kino kechi kimulengela kukumya nenyi? Bantu bavula batakaika Mulenga wa bintu byonse.—Tangai Salamo 139:13-17; Bahebelu 3:4.

Mulenga walengele byonse ne ntanda yawama kwikalapo, walengele ne bumi. (Salamo 36:9) Wisamba na bantu ne kwitubula byoaji.—Tangai Isaya 45:18.

Nanchi twafumine ku banyama nyi?

Mibiji yetu ipasha bingi na ya banyama. Kiji bino mambo Lesa walengele bantu ne banyama kwikala pano pa ntanda. Muntu mutanshi kechi bamulengele kufuma ku nyama ne, bino kulukungu.—Tangai Ntendekelo 1:24; 2:7.

Bantu bapusana na banyama mu bintu bibiji. Kitanshi, bantu baji na maana a kuyuka, butemwe ne kunemeka Mulenga. Kya bubiji, banyama kechi balengelwe kwikala myaka ne myaka nobe bantu ne. Bino pa kino kimye bantu bonse baswana lufu, mambo muntu mutanshi kechi wakokejile Mulenga ne.—Tangai Ntendekelo 1:27; 2:15-17.