MEPUZHO AKUMBULWA MU BAIBOLO

Bantu bakekala byepi kulutwe?

Kwa kubula nangwa kuzhinaukatu ne, bantu bakatwajijila kuyilako palutwe mu bya sayansi. Nanchi bakonsha kulengela bantu kwita muchima bene na bene nyi? Ine. Lelo jino, mu ntanda muji bantu betemwa kabiji baji na lwiso. Nangwa byonkabyo, kuji bintu byawama Lesa byo akobila bantu kulutwe.—Tangai 2 Petelo 3:13.

Mambo a Lesa alumbulula’mba mu ntanda ya kulutwe mukekala bantu betemwa bene na bene. Bantu bakekala mu mutende kabiji kechi kukekala wa kwibakatazha ne.—Tangai Mika 4:3, 4.

Kwitemwa kukapwa byepi?

Pa kutendekatu, Lesa walengele muntu wabula kwitemwa. Bino byo afuukwilepo kubula kukookela Lesa, muntu mutanshi waikele mbulwa kulumbuluka. Ne atweba twaikala na kyubilo kya kwitemwa na mambo a aye. Pano bino, Lesa ukengijisha Yesu kulengela bantu kwikala balumbuluka.—Tangai Loma 7:21, 24, 25.

Monka mwayijile kyaswa muchima wa Lesa, Yesu wafwile ne kwikala kitapisho kya kupwisha bubi bonse bwafuma mu kubula kukookela kwa muntu mutanshi. (Loma 5:19) Onkao mambo Yesu, walengela amba bantu bakekale bulongo kulutwe kimye kyo bakabula kwitemwa ne kubula kuba byatama.—Tangai Salamo 37:9-11.