Nanchi Baibolo Waamba’mba Ka?

Nanchi Lesa ye ulengela’mba tuyandenga nyi?

Musakukumbula’mba ka?

• Ee

• Ine

• Kampe

Byamba Baibolo

“Lesa wa kine kechi uba bubi nangwa pachechetu ne.” (Yoba 34:10) Lesa kechi ye ulengela bintu byatama byo tubena kumona mu ntanda lelo jino ne.

Ñanyi bintu bikwabo byo tufunda mu Baibolo?

• Satana Diabola “mfumu wa pano pa ntanda,” ye ubena kulengela bantu kuyanda.—Yoano 14:30.

• Javula atweba bantu tuyanda na mambo a bintu byatama byo tuba mu bwikalo bwetu.—Yakoba 1:14, 15.

Nanchi buyanji kine bukapwa nyi?

Bantu bamo baitabila’mba inge bakwatankana ne kwingijila pamo bakonsha kupwisha buyanji, bino bantu bachechetu bo baitabila kuba’mba bintu mu ntanda bibena kwaluka. Nga anweba mulangulukapo’mba ka?

Byamba Baibolo

Lesa ukafumyapo buyanji pano pa ntanda. “Lufu, mabingo, kujila ne misongo kechi bikekalako jibiji ne.”—Lumwekesho 21:3, 4.

Ñanyi bintu bikwabo byo tufunda mu Baibolo?

• Lesa wapa bulume Yesu bwa kupwisha buyanji bonse bwaleta Diabola.—1 Yoano 3:8.

• Boba kyaswa muchima wa Lesa bakekalanga mu mutende pano pa ntanda myaka ne myaka.—Salamo 37:9-11, 29.