Nanchi buyanji bukapwa nyi?

BAIBOLO WAAMBA’MBA

“Lesa . . . ukashimuna mipolo yonse ku meso abo, ne lufu, mabingo, kujila ne misongo kechi bikekalako jibiji ne.”—Lumwekesho 21:3, 4, Binembelo bya Ntanda Ipya.

KWITABILA BINO BYAMBO KUKEMUKWASHA MU BWIKALO BWENU

Mukasumininwa’mba Lesa kechi ye ulengela kuyanda ne.—Yakoba 1:13.

Kikemutekenesha bingi kuyuka’mba Lesa kechi umvwa bulongo umvwe ketuyande ne.—Zekaliya 2:8.

Mukaketekela’mba buyanji bukapwa.—Salamo 37:9-11.

ABYA TWAKONSHA KWITABILA BYAMBO BIJI MU BAIBOLO NYI?

Ee, kuji bintu bibiji byakonsha kwitulengela kwitabila:

• Lesa kechi usaka kumona bantu saka bayanda ne kwiboba nshiji ne. Akilangulukai Yehoba Lesa byo aumvwanga ku muchima pa kumona bantu banji bakala saka bebayanjisha. Baibolo waamba’mba Yehoba waumvwanga bibi ku muchima na mambo a “boba bebayanjishenga.”—Mitonyi 2:18.

  Lesa uzhingijila bonse bamanyika bakwabo. Baibolo waamba’mba “maboko echila mashi a bantu babula mambo” kechi wiatala bulongo ne.—Byambo bya Maana 6:16, 17.

• Lesa wituta muchima pa muntu pa muntu. “Muntu yense uyuka kintu kimukatazha ne misongo yanji.” Yehoba naye wayuka kumanama kwetu.—2 Byambo bya Moba 6:29, 30.

  Katatakatu Yehoba akapwishe buyanji bwa bantu bonse kupichila mu Bufumu bwanji. (Mateo 6:9, 10) Pa kino kimye ubena kutekenesha bonse bamuketekela.—Byubilo 17:27; 2 Kolinda 1:3, 4.